NA SAME 83
83
E na nona masu sa tukuna vua na Kalou na nodra vere na meca, 1-8; ka masuta na Kalou me cudruvi ira, 9-18.
A Same i Esafa.
1Mo ni kakua ni galu, na Kalou: Mo ni kakua ni tiko lo, mo ni kakua ni tiko wale, na Kalou.
2Raica, era sa ue na nomuni meca:
Ka ra sa viavialevu ko ira era sa cati kemuni.
3Era sa buki kedra vere na nomuni tamata,
Ka bose vakaca e na vukudra na tamata ko ni sa vakaruruga.
4Era sa kaya, Me da mai vakawabokotaki ira me ra kakua ni matanitu tiko;
Me kakua ni nanumi tale na yaca i Isireli.
5Ni ra sa lomavata me ra bose vata:
Era sa tovata me ra bukia na kemuni vere:
6Na veivale i Itomi kei Isimeli;
Kei Moapi kei ira na Akiri;
7Kei Kipali, kei Amoni, kei Amaleki;
Na kai Filisitia kei ira na kai Taia;
8Sa dua vata talega kei ira ko Asiria:
Era sa vukea na luve i Loti. Sela.
9Mo ni cakacaka vei ira me vaka vei ira na kai Mitiani;
Me vaka vei Sisira, kei Japini, mai na uciwai ko Kisoni:
10Era a rusa mai Edoa:
Ka ra sa yaco me vaka na de ni manumanu e na vanua.
11Mo ni cakava na nodra turaga me ra vakataki Orepi, kei Siepi:
Ia na nodra turaga kecega me vakataki Sepa kei Salimuna:
12O iratou ka kaya, Tou rawata me nodatou
Na veivale ni Kalou.
13Noqu Kalou, mo ni cakavi ira me ra vaka na covulaca;
Me ra vaka na vu-ni-sila e na mata ni cagi.
14Me vaka sa tavuna na veikau na bukawaqa,
Ka sa vakacaudreva na veiulu-ni-vanua na yameyame ni bukawaqa;
15Mo ni vakacacani ira vakakina e na nomuni cava,
Ka vakadomobulataki ira e na nomuni cava levu.
16Mo ni vakamaduataka vakalevu na matadra;
Me ra qarava kina na yacamuni, Jiova.
17Me ra vakamaduataki ka taqaya tikoga;
Ia me ra vakamaduataki, ka kawaboko:
18Me ra kila ko ira na tamata ni sai kemuni na yacamuni ga ko JIOVA,
Sa Cecere sara duaduaga e vuravura taucoko.
Currently Selected:
NA SAME 83: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
