NA SAME 75
75
O ira na yalododonu ni ra sa tiko vakaca sara, era sa vakararavi ga vua na Kalou me vakabulai ira.
Vua na Domo-ni-sere; Ali-tasikici. A Same i Esafa.
1Keimami sa vakavinavinaka vei kemuni na Kalou,
Keimami sa vakavinavinaka: ia sa voleka mai na yacamuni;
Sa tukuni mai na nomuni cakacaka mana.
2Ni'u sa lokuca oti na kena siga
Ka'u na lewa vakadodonu kina.
3Sa waicala ko vuravura kei ira kecega na lewena:
Au sa vakataudeitaka na kena duru. Sela.
4Au a kaya vei ira na lialia, Dou kakua ni valavala vakalialia:
Vei ira talega nai valavala ca, Kakua ni kurea ki cake nai leu:
5Kakua ni kurea na nomu i leu ki cake:
Kakua ni vosa vakadomokaukauwa.
6Ni sa sega ni vu na vakalevulevui mai na tu-i-cake, se mai ra,
Se mai na mata ni ceva.
7Ia na Kalou sa daulewa:
Sa vakasivoya e dua, ka toroya cake e dua.
8Ni sa taura tu e dua na bilo ko Jiova, sa damudamu na kena waini;
Sa sinai e na ka e veiwaki vata, ka sa livia yani ko koya:
Ia na kena soko, era na lobaka dina ka gunuva ko ira nai valavala ca kecega e vuravura.
9Ia koi au, ka'u na tukuna tikoga ka sega ni mudu;
Au na seretaka na vakavinavinaka vua na Kalou i Jekope.
10Au na tamusuka laivi talega na nodra i leu nai valavala ca:
Ia ena vakaceceretaki ga na nodra i leu na yalododonu.
Currently Selected:
NA SAME 75: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
