NA SAME 76
76
Sa vakatakila ni sa rerevaki na Kalou, e na vuku ni nona cakacaka e na vukudra na nona lewe ni lotu.
Vua na Domo-ni-sere e na Nikinoca. A Same i Esafa.
1Sa kilai e Juta na Kalou: Sa levu na yacana mai Isireli.
2Ia sa tu mai Selemi na nona vale,
Kei na nonai tikotiko mai Saioni.
3Sa musuka maikina ko koya na gasau ni dakai,
Nai sasabai, kei nai seleiwau, kei nai valu. Sela.
4Oi kemuni ko ni sa rogo, ka ko ni sa levu vakaidina, mai na veiulu-ni-vanua ni dauivalavala vakaukauwa.
5Sa kau tani na nodra i toki ni valu na qaqa, era sa moce lutu:
Ka sa sega vei ira na kaukauwa era sa kunea na ligadra.
6Ni kemuni a vunauca, na Kalou i Jekope,
Sa moce lutu sara ko ira e na qiqi-ni-valu, kei ira sa vodo ose.
7Oi kemuni, io, sai kemuni ga, sa rerevaki:
O cei sa tu rawa e matamuni ni kemuni sa cudru mai?
8O ni sa vakarogorogotaka mai na nomuni lewa mai lomalagi;
Sa rere ko vuravura, ka sa tiko lo,
9Ni sa tu cake na Kalou me lewa,
Me vakabulai ira kecega era sa yalomalua e vuravura. Sela.
10Na cudru ni tamata sai koya kemuni na dokai dina kina:
Ia na kena vo ni cudru ko ni na vakadaroya.
11Dou bubului, ka vakayacora talega vei Jiova na nomudou Kalou:
O ira kecega era tiko vakavolivoliti koya, me ra kauta mai na ka ni loloma vua sa dodonu me rerevaki.
12Ena vakawaicalataka ko koya na lomadra na turaga:
Sa rerevaki ko koya vei ira na tui kei vuravura.
Currently Selected:
NA SAME 76: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
