NA SAME 64
64
Sa vakatakila na nona meca, 1-6. Ena cudruvi ira na Kalou, a ra na rere kina na tamata, ka reki na yalododonu, 7-10.
Vua na Domo-ni-sere. A Same i Tevita.
1Mo ni rogoca na domoqu, na Kalou, e na noqu masu:
Mo ni maroroya na noqu bula me'u kakua ni rerevaka na meca.
2Vunitaki au mai na nodra vere lo na daucaka ca;
Kei na nodra ue na daucaka cala:
3O ira era sa vagatara na yamedra me vaka nai seleiwau,
Era sa navuca na nodra dakai me vanataka na nodra gasau, na vosa gaga.
4Me ra vanai koya lo sa sega ni cala:
Era vanavana vakidacala vua, ka ra sega ni rere.
5Era vaqaqataki ira e na ka ca:
Era bose me ra biri dai lo;
Era sa kaya, O cei ena kunei ira?
6Era qara na ka ca; era gumatua ni vakasaqaqara:
Ia na nanuma ni lomadra kei na yalodra na tamata yadua, sa ka titobu sara.
7Ia na Kalou ena vanai ira e na gasau;
Era na vuetaki vakasauri.
8Era na vukica na yamedra me lauti ira vakai ira:
Era na dro tani ko ira kece sa raici ira.
9Ka ra na rere na tamata kecega;
Ka tukuna na cakacaka ni Kalou;
Ka ra na nanuma vakavuku ki na nona cakacaka.
10Era na rekitaki Jiova ka vakararavi vua ko ira na yalododonu;
Ka ra na vakavinavinaka ko ira kecega na yalodina.
Currently Selected:
NA SAME 64: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
