NA SAME 142
142
A masu sa ia e na gauna ni veivakacacani.
A Masikili i Tevita. A masu ni sa tiko e na qara-vatu.
1Au a tagi vei Jiova e na domoqu;
Ia e na domoqu ka'u a vakamamasu vei Jiova.
2Au a sova e matana na noqu tagi;
Au a vakatakila e matana na noqu rarawa.
3Ni sa luvu e lomaqu na yaloqu, ko ni a kila na noqu i lakolako.
E na sala ka'u a lako kina era vunia kina nai cori vei au.
4Au a rai ki ligaqu i matau, ka raica, ka sa sega na tamata e via kilai au:
Sa yali vei au nai drodro; sa sega na tamata e lomana na yaloqu.
5Au a tagi vei kemuni Jiova:
Au a kaya, Oi kemuni na noqu i drodro,
Na noqu i votavota e na vanua ni bula.
6Mo ni vakarogoca na noqu tagi; ni'u sa vakamalumalumutaki sara:
Vakabulai au maivei ira era sa vakacacani au; ni ra sa gumatua vei au.
7Ni kauta tani na yaloqu mai na vale ni veivesu, me'u vakavinavinaka kina ki na yacamuni:
Era na voliti au na yalododonu;
Ni kemuni na cakacaka vakayalololoma vei au.
Currently Selected:
NA SAME 142: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
