NA SAME 141
141
A masu sa ia e na gauna ni veivakacacani.
A Same i Tevita.
1I Jiova, au sa tagi vei kemuni: mo ni kusarawa mai vei au:
Mo ni vakatu daligamuni, ni'u sa tagi vei kemuni.
2Me tikotiko ga e matamuni na noqu masu me vaka nai madrali boi vinaka;
Kei na noqu dodoka na ligaqu me vaka nai madrali ni vakayakavi.
3Mo ni lesia, Jiova, nai vakatawa ki na gusuqu;
Mo ni vakaraica na katuba ni tebenigusuqu.
4Me kakua ni goleva na ka ca na lomaqu,
Me kitaka nai valavala ca
Kei ira na tamata daucaka ca:
Ia me'u kakua ni kania na kedra ka kamikamica.
5Me yaviti au ko koya na yalododonu e na yalololoma;
Ia me vunauci au ko koya: ena vaka na waiwai talei ki na uluqu,
Ena sega ni bureitaka na uluqu;
Ia ka'u na masu ga ni ra sa ia tiko na ca.
6Ni sa bale e na vanua veivatu ko ira na nodra turaga ni lewa;
Era na rogoca na noqu vosa: ni ra sa kamikamica.
7Me vaka e dua sa cukicuki ka sa tu na qele qa e na dela ni soso,
Sa veibiuyaki vakakina na suidra ki na gusu ni bulubulu.
8Ia sa rai vei kemuni ga, Jiova na Turaga, na mataqu:
Au sa vakararavi vei kemuni; kakua ni laiva wale tu na yaloqu.
9Ni maroroi au mai na dai era birika vei au,
Kei na nodra i cori nai valavala ca.
10Me ra bale ko ira nai valavala ca ki na nodra lawa,
Ka me'u sa dro bula duadua koi au.
Currently Selected:
NA SAME 141: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
