NA SAME 140
140
A masu sa ia e na gauna ni veivakacacani.
Vua na Domo-ni-sere. A Same i Tevita.
1Mo ni vakabulai au, Jiova, mai na tamata ca;
Mo ni maroroi au mai na tamata loma kaukauwa;
2Era sa nanuma ca tiko e lomadra:
Era dausoqoni vata me ia nai valu.
3Era sa vagatara na yamedra me vaka na gata;
Na weli gaga ni gata daukata sa tiko e na tebenigusudra. Sela.
4Mo ni maroroi au, Jiova, mai na liga ni valavala ca;
Mo ni vakabulai au mai vua na tamata loma kaukauwa;
O koya sa via vukica na noqu i lakolako.
5O ira na viavialevu era sa birika lo na dai me rawai au, kei na dali;
Era sa tevuka na lawa e na bati ni sala;
Era sa birika na dai me rawai au. Sela.
6Au a kaya vei Jiova,
Oi kemuni na noqu Kalou:
Mo ni vakatu daligamuni Jiova, ki na domo ni noqu masu.
7I Jiova na Turaga, na kaukauwa ka'u sa bula kina,
Ko ni a vakaruruga na uluqu e na siga ni valu.
8Kakua ni solia, Jiova, na ka era gadreva nai valavala ca:
Kakua ni vakayacora na nona vere ca; de ra vakalevulevui ira kina. Sela.
9Ia ko ira sa liu vei ira era sa vakalati au,
Ena ubi ira na ca e vosataka na tebenigusudra.
10Ena tauci ira na qilaiso sa waqa tu;
Era na biu ki na bukawaqa:
Ki nai keli titobu, me ra kakua ni cabe cake tale.
11Ena sega ni tiko dei e vuravura na tamata dauvosalevu:
Ena vakasavi koya ga na ka ca me mani rusa kina, na tamata loma kaukauwa.
12Au sa kila ni na lewa vakadodonu ko Jiova e na vukuna sa vakararawataki,
E na vukuna talega na dravudravua.
13Sa dina era na vakavinavinaka ki na yacamuni ko ira na yalododonu:
Ena tiko ga e matamuni ko ira nai valavala dodonu.
Currently Selected:
NA SAME 140: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
