NA SAME 137
137
Era nanumi Jerusalemi ko ira na Juta ni ra sa bobula, 1-6. Sa tukuni na kena rusa ko Itomi kei Papiloni, 7-9.
1Mai na uciwai mai Papiloni,
Eda a tiko sobu; io, eda a tagi,
Ni da a nanumi Saioni.
2Eda a vakarubeca na noda api e na wilou e na kena maliwa.
3Ia ko ira maikea era a kauti keda vakabobula, era sa kerei keda me da ia na sere;
Kei ira era sa vakacacani keda era sa kerea me da vakamarautaki ira, ka ra sa kaya,
Dou seretaka vei keimami e dua na sere vaka-Saioni.
4Eda na seretaka vakacava na sere i Jiova
E na nodra vanua na kai tani?
5Kevaka ka'u sa guilecavi iko, Jerusalemi,
Me qai guilecava na kena vuku na ligaqu i matau.
6Kevaka ka'u sa sega ni nanumi iko,
Me qai kabita sara na loma ni gusuqu e cake na yamequ;
Kevaka ka'u sa sega ni rekitaki Jerusalemi vakalevu
Ka vakalailai na ka kecega ka'u sa daurekitaka.
7Mo ni nanumi ira Jiova, na luve i Itomi
E na siga i Jerusalemi;
O ira era kaya, Dou vukica, dou vukica,
Ia kei na kena yavu.
8O iko, na goneyalewa ni Papiloni, sa lewai me vakarusai;
Sa na kalougata ko koya sa cakava vei iko
Me vaka ko a cakava vei keimami:
9Sa na kalougata ko koya sa taura na nomu gone lalai
Ka viritaka ki na vatu.
Currently Selected:
NA SAME 137: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
