NA SAME 138
138
Sa vakavinavinaka vua na Kalou ko Tevita ni sa dina na nona vosa, 1-3. Era na vakavinavinaka ko ira na tui kei vuravura, 4-6. Sa vakararavi vua na Kalou ko Tevita, 7,8.
A Same i Tevita
1Au na vakavinavinaka vei kemuni Jiova, e na lomaqu taucoko:
E matadra na kalou ka'u na seretaka na vakavinavinaka vei kemuni.
2Au na masu vaka ki na nomuni vale tabu,
Ka vakamolimoli ki na yacamuni e na vuku ni nomuni yalololoma kei na nomuni dina:
Ni kemuni sa vakalevulevuya na nomuni vosa me uasivia na yacamuni.
3E na siga ka'u a tagi kina ko ni a vakarorogo vei au,
Ka vaqaqataki au e na yaloqu e na kaukauwa.
4Era na vakavinavinaka vei kemuni Jiova, na tui kecega e vuravura,
Ni ra sa rogoca na vosa ni gusumuni.
5Era na seretaka nai valavala i Jiova
Ni sa ka levu nai ukuuku i Jiova.
6E dina sa cecere ko Jiova, ia sa vakaraici ira era sa yalomalumalumu:
Ia sa kilai ira vakayawa na viavialevu.
7Kevaka ka'u sa lako e na loma ni ka rarawa, ko ni na vakaukauwataki au:
O ni na dodoka na ligamuni ki na nodra cudru na noqu meca,
Ka na vakabulai au na ligamuni matau.
8Ena vakaotia ko Jiova na ka sa vo e na vukuqu:
Sa sega ni mudu, Jiova, na nomuni loloma:
Mo ni kakua ni biuta na cakacaka ni ligamuni.
Currently Selected:
NA SAME 138: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
