NA SAME 136
136
Me ia na vakavinavinaka vua na Turaga e na ka tani e vuqa.
1Dou ia na vakavinavinaka vei Jiova; ni sa yalovinaka ko koya:
Ni sa sega ni mudu na nona loloma.
2Dou ia na vakavinavinaka vua na nodra Kalou na kalou:
Ni sa sega ni mudu na nona loloma.
3Dou ia na vakavinavinaka vua na nodra Turaga na turaga;
Ni sa sega ni mudu na nona loloma.
4Vua sa kitaka na cakacaka mana levu duaduaga:
Ni sa sega ni mudu na nona loloma.
5Vua sa bulia na lomalagi e na nona vuku:
Ni sa sega ni mudu na nona loloma.
6Vua ka tevuka na vanua e na dela ni wai:
Ni sa sega ni mudu na nona loloma.
7Vua sa cakava na rarama lelevu:
Ni sa sega ni mudu na nona loloma:
8Na mata-ni-siga me lewa e na siga:
Ni sa sega ni mudu na nona loloma:
9Na vula kei na veikalokalo me lewa e na bogi:
Ni sa sega ni mudu na nona loloma.
10Vua ka vakacacani Ijipita ni sa vakamatea na nodra ulumatua:
Ni sa sega ni mudu na nona loloma;
11A sa kauti ira tani na Isireli maivei ira.
Ni sa sega ni mudu na nona loloma:
12E na liga kaukauwa, kei na liga sa dodo yani:
Ni sa sega ni mudu na nona loloma:
13Vua ka wasea rua na Wasa Damudamu:
Ni sa sega ni mudu na nona loloma:
14Ka sa vakauti ira na Isireli me ra lako e loma:
Ni sa sega ni mudu na nona loloma:
15A sa biuti Fero kei na nonai valu e na Wasa Damudamu:
Ni sa sega ni mudu na nona loloma.
16Vua ka kauti ira voli na nona tamata e loma ni lekutu:
Ni sa sega ni mudu na nona loloma.
17Vua ka vakamatei ira na tui lelevu:
Ni sa sega ni mudu na nona loloma:
18Ka vakamatei ira na tui sa rogo:
Ni sa sega ni mudu na nona loloma:
19O Sioni na nodra tui na Amoraiti:
Ni sa sega ni mudu na nona loloma:
20Kei Oki na tui Pasani:
Ni sa sega ni mudu na nona loloma:
21Sa solia na nodra vanua mei votavota;
Ni sa sega ni mudu na nona loloma:
22Me nodra i votavota na nona tamata na Isireli:
Ni sa sega ni mudu na nona loloma.
23O koya ka nanumi keda ni da a vakaloloma:
Ni sa sega ni mudu na nona loloma:
24Sa vakabulai keda maivei ira na noda meca:
Ni sa sega ni mudu na nona loloma.
25O koya sa solia na kedra na ka bula kecega:
Ni sa sega ni mudu na nona loloma.
26Dou ia na vakavinavinaka vua na Kalou kei lomalagi:
Ni sa sega ni mudu na nona loloma.
Currently Selected:
NA SAME 136: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
