NA SAME 111
111
Me vakavinavinaka vua na Kalou sa vakaiukuuku ka dauloloma, 1-9. Sa tubu na vuku e na rere, 10.
1Dou ia vei Jiova na vakavinavinaka.
Au na vakavinavinaka vei Jiova e na yaloqu taucoko,
E na nodra bose na yalododonu, kei nai soqosoqo lewe ni lotu.
2A cakacaka i Jiova sa ka levu,
Era qara me ra kila ko ira kecega era dauvinakata.
3A ka vakaturaga ka vakaiukuuku na nona cakacaka;
Ka sa sega ni mudu na nona yalododonu.
4Sa cakava me nanumi na nona cakacaka mana:
Sa daulomasoli ko Jiova ka yalololoma.
5Sa solia na kedra vei ira era sa rerevaki koya:
Ena nanuma tikoga na nona veiyalayalati.
6Sa vakatakila oti na kaukauwa ni nona cakacaka vei ira na nona tamata,
Ni sa solia vei ira me nodra i votavota na veimatanitu.
7Sa dina ka dodonu na cakacaka ni ligana;
Sa vakadinadinataki na nonai vakaro kecega.
8Sa vakataudeitaki me sega ni mudu,
Ka sa caka e na yalodina kei na yalododonu.
9Sa vakayacora na bula ko koya vei ira na nona tamata:
Sa lesia na nona veiyalayalati me sega ni mudu:
Sa ka savasava ka rerevaki na yacana.
10Na rerevaki Jiova sa kenai vakatekivu ni vuku:
Era sa yalomatua kecega ko ira era sa cakava na nona vunau:
Sa na sega ni mudu na nona vakavinavinakataki.
Currently Selected:
NA SAME 111: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
