NA SAME 110
110
A matanitu, 1-3, kei na cakacaka vakabete, 4, kei na qaqa, 5,6, kei na rarawa i Karisito, 7.
A Same i Tevita.
1Sa kaya ko Jiova vua na noqu Turaga, Mo tiko e ligaqu i matau,
Me'u vakamalumalumutaki ira mada na nomu meca mei tutu-ni-yavamu.
2Ena dodoka ko Jiova nai titoko ni nomuni kaukauwa mai Saioni:
Mo ni lewa e na kedra maliwa na nomuni meca.
3O ira na nomuni tamata era na via vakacabori ira mei madrali
E nai ukuuku ni yalosavasava e na siga ni nomuni kaukauwa;
Era na lewe vuqa na nomuni cauravou ka lailai na mata ni tegu mai na kete ni mataka.
4Sa bubului oti ko Jiova, ka na sega ni veivutuni,
O iko na bete tawa mudu me vaka nai lesilesi i Melikiseteki.
5O koya na Turaga, ka tiko mai na ligamuni matau,
Ena laubasikataki ira na tui e na siga ni nona cudru.
6Ena lewa na veimatanitu ko koya,
Ena vakaosoya na veitikina e na yagodra era sa moku;
Ena vuetaka na nodra tui na vanua e vuqa.
7Ena gunu mai na wai drodro e na sala:
Ena ta cake tale kina ko koya.
Currently Selected:
NA SAME 110: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
