NA SAME 112
112
E yaga na lotu e na bula oqo, 1-3, kei na bula maimuri, 4-9. Era na kunea ko ira na tamata ca, 10.
1Dou vakavinavinaka vei Jiova.
Sa kalougata na tamata sa rerevaki Jiova,
O koya sa rekitaka vakalevu na nona vunau.
2Ena kaukauwa e vuravura na nona kawa:
Era na kalougata na nodra mataqali na yalododonu.
3Ai yaya kei nai yau ena tu ga e nona vale:
Ia na nona cakacaka dodonu ena sega ni oti.
4Sa cadra na rarama e na butobuto vei ira na yalododonu:
Sa daulomasoli ko koya, ka yalololoma, ka daucaka dodonu.
5Sa tamata yaco ko koya sa dauyalololoma, ka dausoli ka:
Ena daulewa vakayalomatua na nona ka:
6Ni na sega ni yavavala e na dua na gauna:
Ena sa nanumi tikoga ka tawa mudu na tamata dodonu.
7Ena sega ni rerevaka nai rogorogo ca:
Sa dei na lomana, ni sa vakararavi tiko vei Jiova.
8Sa dei na lomana, ena sega ni rere,
Ena raica mada ni ra bale na nona meca.
9Sa duibiubiuta ko koya, sa dausoli ka vei ira na dravudravua;
Sa sega ni mudu na nona cakacaka dodonu;
Ena vue na nona totoka ka na dokai.
10Ena raica ko koya na tamata ca, ka na cudru kina;
Ena vakasequruquru bati, ka na waicala yani ko koya:
Na ka era gadreva nai valavala ca ena sega ni yaco.
Currently Selected:
NA SAME 112: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
