NA VOSA VAKAIBALEBALE 22
22
1A ka me digitaki na rogo vinaka, ia nai yau levu e segai;
A ka me digitaki na loloma, na siliva kei na koula e segai, 2Na vutuniyau kei na dravudravua era soqoni vata:
Sa buli ira kecega ko Jiova. 3O koya sa yalomatua sa kunea na ca, ka sa vunitaki koya:
Ia ko ira sa sega ni vuku era sa lako tu yani, a ra sa kunea na rarawa. 4A kenai sau ni yalomalumalumu kei na rerevaki Jiova
Nai yau, kei na vakarokoroko, kei na bula. 5A kau karokaroa, kei nai cori sa no e nona sala na yaloveve:
Ko koya sa qarauna na yalona ena yawa kina. 6Vakatavulica na gone e na sala e dodonu me lako kina:
Ia ni sa qase mai, ena sega ni lako tani maikina. 7O koya sa vutuniyau sa lewai ira na dravudravua,
A sa veiqaravi ko koya sa kere ka vua sa soli ka vua. 8O koya sa kaburaka nai valavala ca ena tamusuka na ca:
Nai titoko talega ni nona cudru ena yali. 9O koya sa mata lomasoli ena kalougata;
Ni sa solia na nona madrai me kedra na dravudravua. 10Vakasevei koya tani na dauveivakalialiai, ena lako tani kina na veileti;
Io, ena mudu na veileti kei na veibeitaki. 11O koya sa vinakata ni yalosavasava
Ka vosa vakayalololoma, ena veiwekani kaya na tui. 12A mata i Jiova sa maroroya na lomavuku,
A sa vukica ko koya na nona vosa nai valavala ca. 13Sa kaya na yalovucesa, A laioni ka tiko mai tautuba,
Ka'u na vakamatei e na saqata. 14Sai keli titobu na gusudra na yalewa i valavala ca:
O koya sa cata ko Jiova ena lutu kina. 15A ka lialia sa vauci e lomana na gone;
A kuita ni veivakatavulici ena vakaseva tani vua. 16O koya sa vakasaurarataka na dravudravua me levu kina na nonai yau,
Kei koya talega sa dausoli ka vua na vutuniyau, ena dravudravua ga. 17Mo vakalakala daligamu, mo rogoca na nodra vosa na vuku,
Ka vagolea na lomamu ki nai vakavuvuli: 18Ni sa ka vinaka kevaka ko vakabauta e lomamu;
Ena rauta talega na tebenigusumu. 19Mo vakararavi kina vei Jiova,
Ka'u sa vakatakila kina vei iko e na siga edaidai, io vei iko. 20Au sa sega beka ni vola oti vei iko na ka talei,
E nai vakavuvuli kei na vuku, ne? 21Me'u vakatakila kina vei iko na kena dinadina ni vakavuvuli dina;
Mo tukuna rawa nai vakavuvuli dina vei ira era sa talaki vei iko? 22Mo kakua ni butakoca na nona ka na dravudravua, e na vuku ni sa dravudravua:
Kakua talega ni vakasaurarataki koya sa malumalumu mai na matamata-ni-koro: 23Ni na totaki ira ko Jiova,
Ka vakacacana na yalo ni tamata era vakacacani ira. 24Mo kakua ni veiwekani kei na tamata daucudru;
Kakua talega ni ko lako vata kaya na tamata yalodauveikata: 25De ko vulica na nonai valavala,
Ka qai tacori kina na yalomu. 26Mo kakua ni dua vei ira era veitauri liga,
Se dua vei ira era veiyalayalati wale e na ka e dinautaki: 27Kevaka sa sega vei iko na kenai voli,
Me kauta vakacava ko koya na nomu i mocemoce ko sa daudavo kina? 28Mo kakua ni kisira tani nai yalayala makawa ni vanua,
O koya era lesia ko ira na nomu qase eliu. 29Ko sa kunea li e dua na tamata daugumatua e na nona cakacaka? ena tu ko koya e matadra na tui;
Ena sega ni tu e matadra na tamata wale.
Currently Selected:
NA VOSA VAKAIBALEBALE 22: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
