NA VOSA VAKAIBALEBALE 21
21
1A lomana na tui sa tiko e na liga i Jiova,
me vaka na soniwai:
Sa vakauta ko koya ki na vanua kece sa yalona kina. 2A sala kece ni tamata sa rairai dodonu ga vua:
Ia sa vakadikeva ko Jiova na yalo ni tamata. 3Me caka dodonu ka lewa dodonu
Sa vinaka vei Jiova, ka ca nai soro. 4A mata viaviaturaga, kei na yaloviavialevu,
Io na nona cina na tamata ca, sa ka ca. 5A nanuma ni lomana na dautara ka sa vakauta ga ki na sautu;
Ia na nodra nanuma na tamata kecega sa lomariri sa vakauta ga ki na viakana. 6Me rawai yau e na yame lasu
Sa ka e sega ni yaga e veitosoyaki vei ira era qara na mate. 7A nodra i valavala kaukauwa na tamata ca ena vakarusai ira;
Ni ra bese ni cakava na ka e dodonu. 8Sa ka veve ka vakatani na sala ni tamata:
Ia ko koya e yalosavasava, sa dodonu na nona cakacaka. 9Sa vinaka ni tiko e na tutu ni dela ni vale,
Ka ca ni tiko kei na yalewa dauveileti e na vale sa tawa. 10A yalo ni tamata ca sa gu ki na ca:
Ka sa sega ni vinakati koya na kai nona. 11Ni sa cudruvi na dauveivakalialiai, sa vuku kina na yalowai:
Ia ni sa vakavulici na yalomatua, sa kila ka kina. 12A tamata yalododonu sa nanuma sara na mataqali ni tamata ca,
Ni ra vukici na tamata ca e na vuku ni nodra ca. 13O koya sa sogota na qara ni daligana ni sa tagi na dravudravua;
Ena tagi talega ko koya, ka na sega ni rogoci. 14A ka e soli vuni sa vakamalumalumutaka na cudru:
Kei na ka ni loloma ki na lomaserena e dua sai vakamalumu ni cudru kaukauwa. 15Sa ka ni reki vua na yalododonu me caka dodonu:
Ia na rusa ga ena yacovi ira na daucaka ca. 16A tamata ka lako sese tani mai na sala ni vuku,
Ena tiko ga e na nodra i soqosoqo na mate. 17O koya ka dauvinakata na marau ena tamata dravudravua,
Ko koya sa dauvinakata na waini kei na waiwai, ena sega ni vutuniyau. 18Ena kenai voli kei koya na yalododonu na tamata ca;
Kei na tamata be ena kenai voli talega kei koya na yalodina. 19Sa vinaka ni tiko mai lekutu,
Ka ca ni tiko kaya na yalewa dauveileti ka daucudru. 20Ai yau talei kei na waiwai sa toka e na nona vale na vuku;
Ia na tamata lialia sa tiloma sara. 21O koya sa muria nai valavala dodonu kei na loloma,
Sa na kunea na bula, kei nai valavala dodonu, kei na vakarokoroko. 22Na tamata vuku sa kaba na nodra koro na qaqa,
Ka sa biuta sobu na kena kaukauwa e vakararavi kina. 23O koya sa qarauna na gusuna kei na yamena.
Sa qarauna na yalona mai na ka rarawa. 24A dauveivakalialiai yalolevu ka viavialevu na yacana,
Sa daucudru tiko vakaviavialevu. 25A nona gagadre na vucesa sa mate kina ko koya;
Ni sa bese ni cakacaka na ligana: 26Sa daukocokoco ko koya e na siga taucoko ka bogi:
Ia na tamata yalododonu sa dausoli ka ka sega ni cegu. 27A nodra i soro na tamata ca sa ka vakasisila:
Ka vakalevu, ni sa nanuma ca ko koya ni sa kauta mai. 28A dautukutuku lasu ena rusa:
Ia na tamata sa vakarorogo tiko ena sega ni mudu na nonai tukutuku. 29A tamata ca sa vaqaqataka na matana:
Ia na yalododonu, sa vakarautaka ko koya na nona sala. 30Sa sega na vuku, se na yalomatua,
Se na bose me gumatua vei Jiova. 31Na ose sa vakarautaki ki na siga ni valu:
Ia sa vu maivei Jiova ga na bula.
Currently Selected:
NA VOSA VAKAIBALEBALE 21: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
