JOSUA 19
19
Ai votavota nei Simioni, 1-9. A nei Sepuloni, 10-16. A nei Isakari, 17-23. A nei Aseri, 24-31. A nei Nafitalai, 32-39. A nei Tani, 40-48. A nei Josua, 49-51.
1Ia na kenai karua ni votavota sa lutu vei ira na Simioni, ki na nodra mataqali na Simioni, me vaka na nodra veivuvale: ia na nodra i votavota sa no vata kei na nodra i votavota na Juta. 2A sa toka e nodra i votavota ko Pieri-sepa, ko Sipa, kei Molata, 3kei na koro ko Suali, kei Pala, kei Esemi, 4kei Elitolati, kei Peculi, kei Orima, 5kei Sikilaki, kei Peci-marikapoci, kei na koro ko Susa, 6kei Peci-lipaoci, kei Sarueni; e tinikatolu na koro kei na kedra veikoro lalai: 7ko Eini, ko Rimoni, kei Eceri, kei Asani; e va na koro kei na kedra veikoro lalai: 8kei na koro lalai kece sa volita na veikoro oqo ki Pealaci-pieri, ko Ramaca mai na ceva. Oqo nai votavota ni nodra mataqali na Simioni, me vaka na nodra veivuvale. 9A nodra i votavota na Simioni, sa soli mai na nodra yasana na Juta: ni sa rui levu na nodra tikina na Juta: ia era sa taukena kina nai votavota ko ira na Simioni mai na nodra i votavota ko ira na Juta.
10Ia na kenai katolu ni votavota sa lutu vei ira na Sepuloni, me vaka na nodra veivuvale: ia nai yalayala ni nodra i votavota sa yaco ki Sariti: 11a sa lako cake na nodra i yalayala vaka ki na waitui, kei Marela, ka yaco ki Tapiseci, ka yacova na uciwai sa donui Jokiniami; 12a sa lesu mai Sariti vaka ki na tu-i-cake, ki nai cadracadra ni mata-ni-siga, ki nai yalayala kei Kisiloci-tepori, ka qai lako yani ki Tapiraci, ka lako cake ki Jafia, 13a sa lako yani maikea vaka ki na tu-i-cake ki Kita-eferi, ki Ita-kasini, ka lako yani ki Rimoni, ki Nea; 14a sa volita nai yalayala ki na yasana ki na tokalau ki Anaconi: ia sa kenai mudumudu na buca ko Ifita-eli: 15kei Kataci, kei Neelali, kei Simironi, kei Itala, kei Pecileema; e tinikarua na koro kei na kedra veikoro lalai. 16Oqo na nodra i votavota na Sepuloni, me vaka na nodra veivuvale, na veikoro oqo kei na kedra veikoro lalai.
17A kenai kava ni votavota sa lutu vei ira na Isakari, vei ira na mataqali i Isakari, me vaka na nodra veivuvale. 18A sa no na nodra i yalayala vaka ki Jesirieli, kei Kesuloci, kei Sunemi, 19kei Efareimi, kei Sioni, kei Enaraci, 20kei Rapici, kei Kisioni, kei Epesi, 21kei Rimici, kei Eni-kanimi, kei Eniata, kei Peci-pasesi; 22a sa yaco ki Tepori nai yalayala, kei Seesima, kei Peci-semesi; ia sa kenai mudumudu ni nodra i yalayala na Joritani: e tinikaono na koro kei na kedra veikoro lalai. 23Oqo nai votavota ni nodra mataqali na Isakari, me vaka na nodra veivuvale, na veikoro kei na kedra veikoro lalai.
24Ia na kenai kalima ni votavota sa lutu ki na nodra mataqali na Aseri, me vaka na nodra veivuvale. 25Ia na nodra i yalayala ko Elikaci, kei Eli, kei Peteni, kei Ekisafi, 26kei Elameleki, kei Amata, kei Miseali; ka yacovi Kameli ki ra, ka yaco ki Siori-lipinaci; 27a sa lesu vaka ki nai cadracadra ni mata-ni-siga ki Peci-takoni, ka yaco ki Sepuloni, kei na buca ko Ifita-eli, ki na tokalau ki Peci-emeki, kei Nieli, ka sa lako yani ki Kepuli ki nai mawi, 28kei Ipironi, kei Riopi, kei Amoni, kei Kana, ka yaco ki Saitoni levu; 29a sa lesu ki Rama nai yalayala, kei na koro vakabai ko Taia: a sa lesu ki Osa nai yalayala; ia na kenai mudumudu na waitui, mai na yasana ko Ekisipi: 30kei Uma, kei Efeki, kei Riopi: e ruasagavulu ka rua na koro kei na kedra veikoro lalai. 31Oqo nai votavota ni nodra mataqali na Aseri, me vaka na nodra veivuvale, na veikoro oqo kei na kedra veikoro lalai.
32Na kenai kaono ni votavota sa lutu vei ira na Nafitalai, io vei ira na mataqali i Nafitalai, me vaka na nodra veivuvale. 33A sa tekivu na nodra i yalayala mai Elepi, mai Eloni ki Seenanimi, kei Etami, kei Nekepi, kei Japinieli, ka yaco ki Lakumi; ia sa kenai mudumudu na Joritani: 34ia sa lesu nai yalayala vaka ki ra ki Esinoci-tepori, ka lako yani maikina ki Ukoki, ka yacovi Sepuloni mai na ceva, ka yaco ki Aseri mai ra, ka yaco ki Juta mai na Joritani vaka ki nai cadracadra ni mata-ni-siga.
35Ia na veikoro vakabai ko Sitimi, ko Seri, kei Emaci, ko Rakaci, kei Kinereci, 36kei Atama, kei Rama, kei Asori, 37kei Ketesi, kei Etirei, ko Eni-asori, 38kei Irioni, kei Mikitalieli, ko Oremi, kei Pece-anaci, kei Pece-semesi; e tinikaciwa na koro kei na kedra veikoro lalai. 39Oqo nai votavota ni nodra mataqali na Nafitalai, me vaka na nodra veivuvale, na veikoro kei na kedra veikoro lalai.
40Na kenai kavitu ni votavota sa lutu ki na nodra mataqali na Tani, me vaka na nodra veivuvale. 41Ia nai yalayala ni nodra i votavota ko Sora, kei Esitaoli, kei Iri-semesi, 42kei Seelapini, kei Eijaloni, kei Icila, 43kei Eloni, kei Timinaca, kei Ekironi, 44kei Ilitike, kei Kipiconi, kei Pealaci, 45kei Jiute, kei Penipiraki, kei Kaca-rimoni, 46kei Me-jarikoni, kei Rakoni, kei nai yalayala e na mata i Jopa. 47A sa sudra yani na nodra i yalayala na Tani: ni ra sa lako cake me ra veivaluti kei Lesemi, ka ra gumatua, ka samuta e nai seleiwau, a ra sa taukena, ka tiko kina, a ra sa vakatokai Lesemi, ko Tani, me vaka na yaca i Tani na tamadra. 48Oqo nai votavota ni nodra mataqali na Tani, me vaka na nodra veivuvale, na veikoro oqo kei na kedra veikoro lalai.
49Ia ni ra sa vota oti na vanua me taukeni, me vaka na kena veiyalayala, era sa qai solia na Isireli vei Josua na luve i Nuni nai votavota e na kedra maliwa: 50me vaka nai vakaro i Jiova era sa solia vua na koro sa kerea ko koya, ko Timinaca-sera mai na ulu-ni-vanua ko Ifireimi: a sa tara ko koya na koro ko ya, ka tiko kina.
51Oqo nai votavota era a vota ko Eliesa na bete, kei Josua na luve i Nuni, kei ira era sa turaga vei ira na qase ni nodra veimataqali na Isireli, e na vakawiri madigi, mai Sailo, e na mata i Jiova, e na katuba ni vale ni veitavaki. A ra sa vakaotia na vota vanua.
Currently Selected:
JOSUA 19: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
