JOSUA 20
20
Ai vakaro e na vuku ni veikoro ni drodro, 1-6. Sa lesi na veikoro ni drodro, 7-9.
1A sa vosa vei Josua ko Jiova, ka kaya, 2Mo vosa vei ira na Isireli, ka kaya, Dou lesia me nomudou na veikoro ni drodro, ka'u a vosa kina vei kemudou e na gusu i Mosese: 3me dro kina ko koya sa vakamatea e dua ni sa sega ni nakita, se ni sa sega ni kila: ia dou na dro kina maivei koya sa nonai tavi me sauma na mate. 4Ia ni sa dro ko koya ki na dua na koro oqo, ena tu ko koya e na matamata-ni-koro, ka tukuna vei ira na qase ni koro ko ya na ka sa cakava, a ra na kauti koya vei ira ki loma ni koro, a ra na lesia e dua na tikina, me tiko kina kei ira ko koya. 5Ia kevaka sa muri koya ko koya sa nonai tavi me sauma na mate, era na sega ni soli koya ka ia na veivakamatei ki na ligana; ni sa vakamatea na wekana ka sega ni kila, ka sega ni cati koya eliu. 6Ia ena tiko ga ko koya e na koro ko ya, ka yacova na siga e na tarogi kina e matadra nai soqosoqo me lewai, me yaco mada na nona mate ko koya sa bete levu e na gauna ko ya: me na qai lesu ko koya sa ia na veivakamatei, ki na nona koro, kei na nona vale, ki na koro ka dro maikina.
7A ra sa lesi Ketesi mai Kalili e na ulu-ni-vanua ko Nafitalai, kei Sikemi mai na ulu-ni-vanua ko Ifireimi, kei Kiriaci-aripa (ko ya ko Epironi) mai na ulu-ni-vanua nei Juta.
8Ia mai tai kadua ni Joritani, ka donui Jeriko vaka ki na tu-i-cake, era lesi Peseri mai na vanua liwa, mai na buca, e na mataqali i Rupeni, kei Remoci mai Kiliati, e na mataqali i Kata, kei Kolani mai Pasani, e na mataqali i Manasa.
9Oqo na veikoro sa lesi vei ira kecega na Isireli, kei ira na vulagi sa tiko vulagi kei ira, me dro kina na tamata kecega sa mokuta-mate e dua ni sa sega ni nakita, ka me kakua ni mate e na liga i koya sa nonai tavi me sauma na mate, ka me tarogi mada eliu e na matadra nai soqosoqo.
Currently Selected:
JOSUA 20: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
