JOPE 37
37
Sa tukuna tiko ko Ilaiu na nona cakacaka rerevaki na Kalou, kei na kena dodonu na rerevaki koya.
1Na ka talega oqo sa sautaninini kina na utoqu,
A sa lade tani mai na kena tikina.
2Dou rogoca sara na domona ni sa se mai,
Kei na rorogo sa lako mai na gusuna.
3Sa vakatala yani ko koya ki na ruku i lomalagi taucoko,
Kei na nona livaliva ki nai yalayala kei vuravura.
4Sa qai vadugu mai emuri na domona,
Sa kurukuru ko koya e na domona vakaturaga:
Ia ni sa rorogo tu na domona, ena sega ni tarova ko koya.
5Sa kurukuru vakurabui na Kalou e na domona;
Sa cakava na ka levu ko koya eda sa sega ni kila rawa.
6Ni sa kaya ki na uca-vulavula, Mo tau ki vuravura:
Ki na uca wale talega,
Kei na uca levu ni nona kaukauwa.
7Sa qamuta dregata na ligadra na tamata kecega;
Me ra kila na nona cakacaka na tamata kecega.
8Era sa qai la'ki curu ki na nodra qara na manumanu,
Ka tiko ga e na nodra tikina.
9Sa lako mai na covulaca mai na ceva:
Kei na liliwa mai na tokalau,
10Sa cevata na tegu e nai cegu ni Kalou:
A sa cevata sara na wai levu.
11Ka sa vakatawa na o loaloa e na kena uca:
Sa vakaseavutaka na o lumilumisa:
12A sa veikauyaki voli e na nona vosa:
Me ra kitaka kina na ka kecega sa vakarota ko koya,
E na veivanua e vuravura sa tawa.
13Sa vakayacora mai ko koya, me nona kuita,
Se e na vuku ni nona vanua, se me ka ni loloma.
14Mo vakatu daliga, Jope, ki na ka oqo:
Mo tu vakadua, ka vakanananu ki na cakacaka e veivakurabuitaki ni Kalou.
15Ko sa kila beka na siga sa lesia kina na ka oqori na Kalou,
Ka lewa talega kina na livaliva ni nona o me tibi mai?
16Ko sa kila beka se sa lili vakavinaka vakaevei na o,
Na nona cakacaka e veivakurabuitaki ko koya sa vinaka duaduaga na nona vuku?
17Se sa katakata vakavinaka vakaevei na nomu i sulu,
Ni sa vakacegui vuravura ko koya ni sa mudre mai na ceva?
18Drau sa tevuka vata kaya beka na lomalagi,
O koya sa kaukauwa, ka vaka nai iloilo vakawaicalataki?
19Mo vakatakila vei keitou na vosa me keitou kaya vua:
Ni keitou sa sega ni tukuna vakadodonu rawa e na vuku ni butobuto.
20Me na tukuni beka vua ni'u sa vosa?
Kevaka sa vosa na tamata, ena qai tilomi dina ga ko koya.
21Ia oqo, sa dredre vei ira na tamata me raica na rarama sa serau mai lomalagi;
Ka sa liwa yani na cagi, ka vakasavasavataka.
22Sa vaka na koula sa lako mai na mata ni tokalau:
Sa tu vua na Kalou na lagilagi rerevaki.
23Ko koya sa Kaukauwa, eda sa sega ni kilai koya rawa; sa uasivi ko koya e na kaukauwa.
Kei na caka dodonu, ka ni sa vutu ni valavala dodonu; ena sega ni ia na veivakasaurarataki.
24O koya oqo era sa rerevaki koya kina na tamata:
Sa sega ni vinakati ira loa era lomavuku.
Currently Selected:
JOPE 37: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
