JOPE 29
29
Sa vakananuma ko Jope na nona tiko vakacegu, kei na nona dokai eliu.
1A sa vosataka tiko na nona vosa vakaibalebale ko Jope, ka kaya;
2Isa! ke sa vaka mada e na veivula eliu na noqu tiko oqo,
Me vaka e na gauna sa vakatawai au kina na Kalou;
3Ni sa cilava na uluqu na nona cina,
Ni'u a lako e loma ni butobuto e na nona rarama;
4Me'u vaka e na gauna ka vue kina na noqu i totoka,
Ni sa tiko e na noqu vale na vosa vuni ni Kalou;
5Ni sa tiko vata ga kei au ko Koya sa Kaukauwa,
Ka ratou sa voliti au na luvequ;
6Ni'u a vuya na noqu i lakolako e na uro ni wai-ni-sucu,
Ia na vatu sa sova maivei au na uciwai waiwai!
7Ni'u a lako yani e loma ni koro ki na matamata-ni-koro,
Ni'u a vakarautaka na noqu i tikotiko e na rara ni koro:
8Era sa raici au na cauravou, ka vunitaki ira:
Ka ra sa tu cake na qase, ka wavu tu.
9Era sa galu mada na turaga,
Era tabonaka na gusudra e na ligadra.
10Sa ra tiko lo na turaga,
A sa kabita na loma ni gusudra e cake na yamedra.
11Ni sa rogoci au na daliga, sa qai vosavakalougatataki au;
Ia ni sa raici au na mata, sa qai tukuni au:
12Ni'u a vakabula na dravudravua ni ra sa tagi,
Kei na luveniyali talega, kei koya sa sega e dua me vukei koya.
13Sa vosavakalougatataki au ko koya sa voleka ni rusa:
Ia ka'u a vakamarautaka na yalona na yada.
14Au a vakasuluma na yalododonu, ka sa noqu i sulu voli:
Ia na noqu lewa dodonu sa vaka nai sulu levu, kei nai sala vakaturaga.
15Au sa matadra na mataboko,
Ka yavadra na lokiloki.
16Au sa tamadra na dravudravua;
Ia na ka e veiletitaki ka'u a sega ni kila, ka'u a vakataroga.
17Ka'u a vorolaka na galegaledra na tawa dodonu,
Ka kaliraka mai na batidra na ka era kauta tani vakaukauwa.
18Au a qai kaya, Au na mate e na noqu vale,
Ia ka'u na vakavuqataka na noqu siga me tautauvata kei na nuku.
19Sa teteva na wai na wakaqu,
Ka sa tiko na tegu e na tabaqu e na bogi taucoko.
20Sa vakavoui tikoga na noqu i ukuuku,
Ka sa vakaukauwataki tu e ligaqu na noqu dakai.
21Sa ra vakarorogo vei au ko ira na tamata, ka wawa tiko,
Ka tiko lo ni'u a ia na veivakatavulici.
22Ni'u a vosa oti era sega ni vosa tale;
Ka sa tauci ira na noqu vosa.
23Era sa waraki au me vaka era waraka na uca;
Ka ra sa dalaga sara me vaka ki na uca sa tau emuri.
24Ni'u a dredre vei ira, era sa sega ni vakadinata;
A sa sega na ka era kitaka me'u vakaveveku mata kina.
25Au a digitaka na nodra sala, ka tiko me'u turaga,
Ka tiko me vaka na tui kei ira na mataivalu,
Me vaka e dua sa vakacegui ira era tagi.
Currently Selected:
JOPE 29: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
