JOPE 18
18
Sa kaya ko Pilitati ni yaloviavialevu ka yalolekaleka ko Jope, 1-4. Sa tukuna tale na ca ena yacovi ira nai valavala ca, 5-21.
1Sa qai vosa ko Pilitati na luve i Sua, ka kaya,
2Ko na tinia ninaica na vosa?
Mo vakanananu mada, keitou na qai vosa.
3A cava keitou sa nanumi kina me manumanu;
Ka vakasami me ka qeleqelewa e matamu?
4Ko iko ka dresulaki iko e na nomu cudru:
Ena biu laivi beka ko vuravura e na vukumu?
Se na kau tani beka na uluvatu mai na kena tikina?
5Ia na nodra rarama nai valavala ca ena bokoci;
Ena sega talega ni serau na lidi ni nona bukawaqa.
6Ena butobuto na rarama e na nona vale,
Ena bokoci vata kaya talega na nona cina.
7A nona lako vakaukauwa ena vakaosoosotaki mai,
Ena vakabalei koya talega na nona lewa.
8Ni sa yavana dina ga sa biu kina ki na lawa,
Sa lako voli tu e na dela ni cori.
9Ena rawai koya na tudai e na bukubuku-ni-yavana;
Ena gumatua vua ko koya na daubutako.
10Sa vuni e na qele na kenai cori,
Kei na kena soki e na sala.
11Ena vakarerei koya na ka rerevaki e na veiyasana,
Ka na cicimuria na yavana.
12Ena kania na nona kaukauwa na viakana,
Ena volekata sara na sarisarina na rusa;
13Ena kania na kaukauwa ni kulina:
Na ulumatua kei mate ena kania na tikina.
14A ka sa vakararavi kina ena cavuivuvu mai na nona vale,
Ena vakauti koya vua na tui dauveivakarerei.
15Ena tiko ga oqori e nona vale, ni sa sega ni nona:
Ena vakamiraki na sulifure ki na nonai tikotiko.
16Ena malai na wakana ki ra,
Ka tamusuki laivi na tabana ki cake.
17Ena yali na ka e nanumi kina e vuravura,
Ena sega talega na yacana e na salatu.
18Ena vakasevi ko koya mai na rarama ki na butobuto,
Ena vakasesei tani e vuravura.
19Ena sega na luvena se nona kawa vei ira na nona mataqali,
Ena sega talega e vo tiko e nonai tikotiko.
20Era na vakurabuitaka na nona gauna ko ira emuri,
Me vaka sa kani ira na rere ko ira eliu.
21Sa vaka dina ga oqo na nodra i tikotiko na tamata ca,
Ka sa vakaoqo na yasana nei koya sa sega ni kila na Kalou.
Currently Selected:
JOPE 18: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
