JOPE 16
16
Sa vunauci iratou na wekana ko Jope ni ratou sa sega ni loloma, 1-5; a sa tukuna ni sa ka lomani ko koya, ka sa yalododonu ga, 6-22.
1Sa qai vosa ko Jope ka kaya,
2E vuqa na ka vakaoqo ka'u sa rogoca:
Na dauveivakacegui vakararawa koi kemudou kecega.
3Ena oti ninaica na vosa wale?
Se na cava beka sa vakadoudoutaki iko mo vosa mai?
4E rawarawa me'u vosa talega me vakataki kemudou:
Kevaka dou sa noqu i sosomi,
E rawarawa me'u vakalevutaka na vosa vei kemudou,
Ka kurea na uluqu vei kemudou.
5Ia ka'u a qai vakaukauwataki kemudou ga e na gusuqu,
Ia ni sa yavavala na tebenigusuqu, sa na qai malumu kina na nomudou rarawa.
6Ke'u sa vosa, ke sa sega ni malumu kina na noqu rarawa:
Kevaka ka'u sa cegu ni vosa, a cava me seavu kina vei au?
7Ia oqo sa qai vakaocataki au ko koya:
Ko ni sa vakayalia na wekaqu kecega.
8Ia ko ni sa vakasalulutaki au, oqori sa tukuni au:
Ia na noqu suivotu sa rairai mai, ka sa vakatakilai au ki mataqu.
9Sa dresulaki au e na nona cudru, ka sa cati au:
Sa vakasequruquru vei au:
Ko koya na noqu meca sa mata cudrucudru mai vei au.
10Era sa dalaga vei au;
Era sa sabica na baluqu e na veivakalialiai;
Era sa yalovata me vakacacani au mai.
11Sa soli au yani na Kalou vei ira na tamata ca,
A sa biuti au yani ki na ligadra nai valavala ca.
12Au a tiko vakacegu, ka sa qai musuki au ko koya;
Sa taura talega na domoqu, ka vorolaki au:
Sa vakaturi au me'u nona ka me vanavana kina.
13Sa vakavolivoliti au ko ira na nona dauvanavana;
Sa tasea na toloqu ko koya, ka sega ni vakacegu;
Sa livia yani na miqu ki na qele.
14Sa daumusuki au wasoma;
Sa cici vakaivalu mai vei au me vaka na tamata yagolevu.
15Au sa cula nai sulu taga ki na kuliqu,
Ka biuta sobu na noqu i totoka ki na kuvu-ni-soso.
16A mataqu sa dukaveluvelu e na tagi,
Ka sa tauca na dakudaku-ni-mataqu na yaloyalo ni mate:
17Sa sega ni tu e ligaqu nai valavala sa sega ni dodonu:
A noqu masumasu talega sa savasava.
18Na qele, mo kakua ni gunuva na noqu dra,
Me kakua talega na tikina sa yalani kina na noqu tagi.
19Oqo talega, raica, sa tiko mai lomalagi na noqu i vakadinadina,
Ia sa tiko maicake ko koya sa lewa e na vukuqu.
20Sa vakalialiai au ko iratou na wekaqu;
Ia sa titiri tikoga na wai ni mataqu vua na Kalou.
21Me tara mada vua na tamata me veilewai kaya na Kalou,
Me vaka na tamata sa veilewai kaya na wekana!
22Ni sa na oti mada e vica ga na yabaki,
Ka'u na qai lako yani e na sala ka'u na sega ni lesu tale maikina.
Currently Selected:
JOPE 16: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
