JOPE 11
11
Sa vunauci Jope ko Sofa ni sa vakadonui koya ga, 1-6. Sa tukuna ko koya ni sa ka vakaidina sara na vuku ni Kalou, 7-12; a sa vakarota vei Jope na veivutuni, 13-20.
1Sa qai vosa ko Sofa na kai Neama, ka kaya,
2Me sega beka ni tabani yani na vosa e vuqa?
Se na vakadonui beka na tamata dauvosa?
3Me ra tiko lo beka na tamata e na vuku ni nomu lasu?
Ia me sega beka ni vakamaduataki iko e dua ni ko sa ia na veivakaisini?
4Ia ko sa kaya, Sa dodonu na noqu i vakavuvuli;
Au sa savasava talega e matamuni.
5Ia me vosa mada na Kalou,
Ka dalaga me sereki iko;
6Ka vakatakila vei iko na ka vuku e vuni tu,
Ni sa levu cake, ka lailai na kena sa kilai!
Mo qai kila ni sa ka lailai e taroga vei iko na Kalou, ka ka levu na nomu i valavala ca.
7Ni ko sa dikeva, ko na kilai koya rawa beka kina na Kalou?
Ko na kilai Koya deivaka rawa sa Kaukauwa?
8Sa cecere vakataki lomalagi; a cava ko sa kitaka rawa?
Sa matia ko bulu; A cava ko sa kila rawa?
9A kenai vakarau sa balavu ka lekaleka ko vuravura,
A sa rabailevu ka rabailailai na wasawasa.
10Kevaka sa lako tu ka sogolatia,
Ka vakasoqona vata, ko cei me tarovi koya?
11Ni sa kilai ira na tamata lasulasu;
Sa kunea talega na caka ca; ia ena sega beka ni vakanananu kina?
12Ni sa viaviavuku na tamata lialia,
Ia ka sa sucu ga me vaka na luve ni asa kila.
13Kevaka ko sa vakarautaka na yalomu,
Ka dodoka na ligamu vei koya;
14Kevaka sa tu na ca e ligamu, mo biuta vakayawa,
Ia me kakua ni tiko nai valavala ca e na nomu veivale.
15Ni ko na qai ta cake ka na sega ni tauvi duka na matamu;
Ia ko na tiko dei, ka na sega ni rere:
16Ni ko na guilecava na nomu vakaloloma;
Ka nanuma kina me vaka na wai sa lako tani yani:
17Ia na nomu bula ena uasivi cake e na rarama ni siga levu;
Ko na cila yani, ko na tautauvata kei na mataka.
18Ia ena tiko dei na lomamu, ni sa nuitaka na vinaka;
Ia ko na vakararai voli ga, ka koto sobu e na vakacegu.
19Ia ko na koto sobu, ka na sega e dua me vakarerei iko;
A ra na vakamasuti iko na lewe vuqa.
20Ia ena oca wale na matadra nai valavala ca;
Ena yali na nodra i drodro,
Ia na nodra i nuinui ena vaka na ciba yani.
Currently Selected:
JOPE 11: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
