OSEA 10
10
Sa ra vunauci ko ira na Isireli e na vuku ni nodra beca na Kalou, kei na nodra dauqarava na ka lasu, 1-11. Sa ra vakaroti me ra veivutuni, 12-15.
1A vaini dautubu wale ko ira na Isireli, sa vuataka ga na vuana me kena: me vaka na kena levu ni vuana, sa ra vakalevutaka vakakina nai cabocabo-ni-soro; me vaka na kena vinaka ni nodra vanua, sa ra cakava na matakau vinaka. 2Sa veisei na lomadra: era na qai cala oqo: ena tamusuka ko koya na nodra i cabocabo-ni-soro, ena vakacacana na nodra matakau. 3Ni ra na qai kaya oqo, Sa sega na noda tui, ni da sa sega ni rerevaki Jiova; ia a cava me cakava rawa na tui me yaga vei keda?
4Era sa cavuta na vosa wale, ni ra bubului vakailasu ni ra ia na veiyalayalati: a sa tubu kina na lewa me vaka na co gaga e na tova ni were. 5E na vukudrau na luve ni pulumokau mai Peci-aveni era na rere kina na kai Samaria: ni na tagicaka ko ira na lewena, o ira na kedrau bete talega ka daurekitaka, ni sa qai takali tani na kenai ukuuku. 6Io, na ka talega ko ya ena kau ki Asiria me ka ni loloma vua na tui Jerupi; ena nodra na Ifireimi na madua, io, era na vakamaduataki na Isireli e na vuku ni nodra lewa. 7Ko Samaria, sa muduki laivi na kena tui, sa vaka na malamala ni kau e dela ni wai. 8Ena vakarusai talega na veiyasana cecere kei Eveni, na vu ni nodra i valavala ca na Isireli: a kau votovotoa kei na soni ena tubu e na nodra i cabocabo-ni-soro; ka ra na kaya ki na veiulu-ni-vanua, Ubi keimami mai; kei na veiulu-ni-koro, Lutuki keimami mai.
9Mai na gauna i Kipea dou sai valavala ca ga, na Isireli: era a tu dei maikea: sa sega ni vauci ira na gone daucaka cala nai valu mai Kipea. 10Ni'u sa gadreva me'u vakanakuitataki ira, era na soqoni vata vakaca vei ira ko ira na veimataqali, ni ra sa qai vesuki e na vuku ni nodra caka cala vakarua. 11Ia ko Ifireimi sa vaka na luve ni pulumokau sa dauvakavulici, sa vinakata ko koya me butuka na sila; ia koi au, ka'u a lako voli yani voleka ki na domona vinaka: au na vakavodoka e dua vei Ifireimi; ena ia na cukicuki ko Juta, ena ia na laulau ko Jekope.
12Dou kaburaka me nomudou na ka dodonu, dou tamusuka me vaka na loloma; dou taura me nomudou na qalau; ni sa kena gauna oqo mo dou qarai Jiova kina, me na lako mai ko koya, ka vakavulica vei kemudou na ka dodonu. 13Dou a ia na cukicuki ca, dou a tamusuka kina nai valavala ca; dou a kania na vua ni lasu: ni dou a vakararavi ki na nomudou i valavala, ni ra lewe vuqa na nomudou qaqa. 14O koya oqo ena tubu kina na ue vei ira na nomudou veimataqali, ia na nomudou koro kaukauwa kecega ena vakacacani, me vaka sa vakacacani Peci-aripeli ko Salimani e na siga ni valu: a tina ni gone ka viritaki vata kei na luvena. 15Ena cakacaka vakakina vei kemudou ko Peceli e na vuku ni nomudou ca levu sara: era na muduki laivi sara na tui Isireli e na dua bauga na mataka.
Currently Selected:
OSEA 10: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
