2 KORINICA 9
9
Sa tukuna ko koya na ka sa talai Taito kina kei rau na veiwekani, 15. A sa qai vakarota vei ira na soli vei ira mai Jerusalemi, 615.
1E na vuku ni cakacaka loloma, vei ira era sa lotu, sa sega ni yaga meu volavola kina vei kemudou: 2niu sa kila na nomudou gumatua, kau a vakacaucautaki kemudou kina vei ira na kai Masitonia, io, ni sa vakarau oti tu ko Akaia ka yabaki dua; a sa vakatakatataki ira na lewe vuqa na nomudou lomakatakata. 3Ia kau sa talai iratou yani na veiwekani, de vakawaletaki na neitou vakacaucautaki kemudou e na vuku ni ka oqo: io, me vaka ga na ka kau a kaya, mo dou sa vakarau tu: 4de lako vata kei au eso vei ira na kai Masitonia, ka raici kemudou ni dou sa sega ni vakarau, ia keitou (me kakua ni cavuti kemudou,) keitou na madua e na vuku ni veivakacaucautaki doudou oqo. 5O koya oqo kau sa vaka ni sa dodonu meu masuti iratou na veiwekani, me ratou liu yani vei kemudou, me ratou vakarautaka mada eliu na nomudou i loloma sa vosataki eliu, me vakarau tu mada ko ya, me vaka sa ka ni loloma, ka me kakua ni vaka na ka ni domo-ni-koco.
6Ia oqo, O koya sa kaburaka vakalailai, ena tamusuka talega vakalailai; ia ko koya sa kaburaka vakalevu, ena tamusuka talega vakalevu. 7Me ra dui solia me vaka na ka sa vinakata ko koya yadua e na yalona; me kakua e na voraki, se ni sa vakasaurarataki: ia ko koya sa solia e na marau sa vinakata na Kalou. 8A sa rawarawa vua na Kalou me vakalevutaka vei kemudou na ka-ni-loloma kecega: me tu vei kemudou e na veisiga nai yau kecega e yaga e na ka kecega, ka mo dou uasivi cake kina e na cakacaka vinaka kecega: 9me vaka na ka sa volai, Sa duibiubiuta ko koya; sa dau soli ka vei ira na dravudravua: Sa tu dei ka sega ni mudu na nonai valavala dodonu. 10Ia ko koya sa dausolia na sila vua na dauveikaburaki kei na madrai me kakana, ena solia mada na sila vei kemudou me levu, ka vakalevutaka na vua ni nomudou i valavala dodonu; 11mo dou vakavutuniyautaki e na ka kecega, mo dou ia kina nai loloma kecega, sa vakayacori kina vei keitou na vakavinavinaka vua na Kalou. 12Ni sa ia na cakacaka oqo sa sega ni vakarauti walega na nodra dravudravua era sa lotu, ia sa tubu cake vakalevu talega kina na vakavinavinaka vakalevu vua na Kalou; 13ni dou sa vakatovolei e na cakacaka oqo, era sa vakarokorokotaka na Kalou ni dou sa tukuna kina na nomudou talairawarawa ki nai tukutuku-vinaka kei Karisito, e na vuku talega ni cakacaka loloma levu oqo kivei ira, vei ira talega na tamata kecega; 14ia ko ira talega era sa masulaki kemudou, ka sa daulomani kemudou e na vuku ni loloma levu ni Kalou sa tu vei kemudou.
15Me ia na vakavinavinaka vua na Kalou e na vuku ni nonai solisoli sa sega ni tukuni rawa.
Currently Selected:
2 KORINICA 9: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
