Azaya 53
53
1Ǹûai dí zu tòo dîyɛɛi,
“Gbɛ̂ɛ ƃa pɔ̂ri lâai a m̀ɛni-ŋai kwa môi,
kpaa máŋ gbɛ̂ɛ ƃa tá wɔ́lɔ Yâwɛɛ ŋɔwála-wala-laa kɛ́tɛi kaai?
2Yâwɛɛ ƃé gɛ̀ ŋɔtíi kɛ́-nuui
kɛ́ ƃûu ƃò yɛ̂ɛ sí-sɛŋ ƃé lɔii lɛ́lɛɛ ma.
Gbɛtɛ-pêre fé kɛ́ ní sɛŋ nyii núu a gàa, ǹíi mu é síɣe m̀ɛni ma.
Sɛŋ da fé kɛ́ ní m̀a nyíi a pɔ̂ri núu da líi kulâi.
3Kú kúyee kùla m̀u, kú tɔ́ɔ m̀a.
È m̀ɔ̃lɛ sɛŋ sôli maa támaa yêei.
Núu da fé kɛ́ ní fúlɔi máŋ ŋ̀wɛ̂lii é ŋ̀ɛ́i láa m̀a.
Kú gàa nɔ́ a núu kpɛ́ni-kpɛni.
4“È m̀ɔ̃lɛ-laai sîɣe nyii maa-nɛ̃ɛ̂i kɛ̀ kú gɛ́i,
é m̀ɛni sôlii káa nyii maa-nɛ̃ɛ̂i kɛ̀ kú tɛ́ɛ zui.
Kú kɛ̀ gâai yɛ̂ɛ ǹyaa ƃé
Ɣâla è m̀ɛni kula maai tí kpɛ̀tɛ m̀ɛni ma.
5Dí ǹokwa, dí ŋ̀wána-ŋwâna kúsɔyɔ̂ŋ-ŋai kú gɛ̀i, m̀ɛni ma.
Dí ǹokwa kútua-pere nyɔ̂ŋ-ŋai mɛni ma.
Kwa kɔlɔi pôno sɔlɔ ƃô ŋɔmɛni sôli káai,
da ŋɔlòkwaa ŋ̀ólii su.
6Kúkelee kú kɛ̀ nɔ́ yɛ̂ɛ ƃála láŋɔɔ-ŋa.
Kú kɛ̀ nɔ́ liî kúkpîŋ ŋuŋ ma.
Kɛ́lɛ m̀ɛni kula maai kɛ̀ kúmɛni mai, Yâwɛɛ è gélee pù ŋ̀ûa.
Kúa ƃé m̀aa nɛ̃ɛ̂i kɛ̀ kú m̀ɛni kula maai ŋí sɔlɔ ƃó.
7“Nûa dí mɛni nyɔmɔɔ kɛ̀ la,
kɛ́lɛ vé woo nyɔ̂ŋ da pìli ní núu da ma.
È kɛ̀ nɔ́ yɛ̂ɛ ƃála ƃé da liî la baa mɛ̂ni ma,
kpaa máŋ ƃála ƃé da ǹéɣa têei,
díniŋɔɔ, ŋ̀óo fé tɛ̂i.
8Dí zòŋ, dí lí la a gɛɛ dí bàa,
ǹyaŋ núu da fé kpáaŋ ní kɛ̀ m̀aa mɛ̂ni ma.
Dí bàa kúnûai dísɔnyɔ̂ŋ mɛ̂ni ma.
9Berei máŋ vé wɔ́lɔ sɔnyɔ̂ŋ da kélee kɛ́ lai,
kpaa máŋ é lɛ́ɛ kɛ́i,
maa nɛ̃ɛ̂i kɛ̀ dí ǹoo ƃɛ́i da ŋ̀wana lɔ̂ɔ-ƃelai lôo naai,
kɛ́lɛ dí ǹoo tɔɔ-nûu ƃolôŋ su.”
10Yâwɛɛ a m̀ôi ǹyɛɛi,
“Ńyãa ƃé gɛ̀ gɛ́ mɔ̃̀lɛ.
Ŋɔsaai è kɛ̀ a sâla, ŋuŋ ma ƃô da su-mɛni lɛ̂ɛ mɛni ma.
A pâi ǹônii kâai.
À kɛ̀ tí ŋɔfúlu-laai su a pâi kôyaai.
Yâwɛɛ ŋɔmɛni kpɛtɛɛi ŋ̀aa see pâi kɛ̂ zarâi.
11Ŋɔmɔ̃́lɛ-laai pôlu ma, lii-nɛ̃̂ɛ a pâi kɛ̂i m̀a.
Ŋɔmɔ̃́lɛ-laai fé pâi kɛ̂i kpɛ́ni-kpɛni.
Ńii lâai ŋátíi kɛ́-nuui mɛ̂ni ma.
A pâi núu támaa dímɛni kula maa kɛ́ɛi maa mɛni solii siɣêi.
Ŋa pâi núu támaa dísɔnyɔ̂ŋ su mɛni lɛɛ̂i zarâi.
12Ŋa pâi gɛ̂i ƃâa kɛ́ ƃò m̀a núu-kpune sáma,
m̀u-wuyɛɛ, wála-wala-laa su kɛ́tɛ kɛ́ ƃò ǹyêei,
kpɛ́ni fêi, è ŋɔfúlu-laai tɛ̂ɛ gbîŋ yee ma, da zɔnyɔ̂ŋ-ƃelai dí mɔ̃́lɛ a bɔriɛɛ.
È sàa núu támaa dísɔnyɔ̂ŋ-ŋai mɛni ma.
È Ɣâla fɛ̀li a gɛ́ɛ é dísu mɛni lɛɛ.”
Currently Selected:
Azaya 53: KWB
Highlight
Share
Compare
Copy
Want to have your highlights saved across all your devices? Sign up or sign in
© 2012 Bible Society in Liberia
