Azaya 51
51
Zerusâlɛŋ ŋa-nɛnɛ woo-ŋai
1Yâwɛɛ è m̀o ǹyɛɛi,
“Ka káwoli tɔ́ɔ ḿâ, káai wɛ̂lii a ŋuŋ ma ƃôi.
Káai ŋ̀wɛ̂lii a kpɔŋ mâai, ka pá ḿbɔ.
Ka ká kíli ŋá sía é pîlaŋ gɔnii ma nyii ká kùla zui,
ká kákili ŋá sía ƃɛ́i ma dí gɔnii tí sàa naai.
2Ka kákili ŋá sía é pîlaŋ kákaa-ƃela pɔlɔ-ŋai Eberaɣɛ̃ɛ,
da Seera ni dîa nyii-ŋai ká kùla díkponôi.
Tãi ŋá Eberaɣɛ̃ɛ tòli lai, lóŋ fé kɛ́ ní ǹyêei,
kɛ́lɛ ŋá lûwa tòo m̀a, zuu é kɛ́ ma.
Ŋá gɛ̀ ŋɔsuui su é kɛ́tɛ.
3“Ŋa pâi Zerusâlɛŋ ŋɛ́i malôŋ kâai,
da diai kélee lɛ̀ɛ naa bilêŋ ŋái.
Berei máŋ ǹaa káa la a fɛ̃ɛ-kpâlaŋ sui, ŋa pâi ǹaa kɛ̂i yɛ̂ɛ Idɛŋ Suai su.
Ǹaa a pâi kɛ̂i yɛ̂ɛ Yâwɛɛ ŋɔsûai su.
Ǹaa-ƃelai da pâi kɛ̂i lii-sêe su, díkɛ koi-nɛ̃ɛ kùla.
Da pâi kɛ̂i wule toôi, díkɛ sɛɣɛ̂i fêe tɛ̀ɛ ḿbɔ.
4“Ka káwoli tɔ́ɔ ḿâ, ŋánûa.
Ka ŋ́oo mɛni, lɔii-ŋuŋ.
Ŋa pâi ŋátɔ̂ŋ tɛɛ̂i ǹɔii-ŋuŋ-ŋai pɔ́,
ŋátɔ̃yâ mɛni ŋá-teɛɛi kɛ́ ƃò a kwaa ponoɔɔ dímɛni ma.
5Ŋá ŋuŋ ma ƃoi a lɛɣɛ̂i kpɔ́ a maa félaa.
Ŋáŋuŋ ma ƃôi a lí kpɔ́ póŋ-poŋ.
Ńyãa kpîŋ ƃé pâi kɛ̂i ŋánûai láa túɛ.
Yúo kpono ma lɔii-ŋuŋ-ŋai da ḿaa kpɛ́nîi,
kili kɛ̀ zú kɛ́ ƃò díyêei ḿaa mɛ̂ni ma a gɛɛ ŋá díŋuŋ ma ƃó.
6Ka káŋɛi tɛ́ ɣelêi, ká ŋ̀elei su káa, ka ǹɔii ma káa.
Ŋ̀elei su sãai kélee da pâi da pâi lánîi yɛ̂ɛ luri.
Ǹɔii a pâi pɔlɔ̂i yɛ̂ɛ seɣe, zu-ƃela kélee dí sáa yɛ̂ɛ koôŋ-sãa.
Kɛ́lɛ ŋáŋuŋ ma ƃô-laai káa ǹaa núu kélee mɛni ma wɔ́lɔ-wɔlɔ da wɔlɔ-wɔlɔ.
7“Ka káwoli tɔ́ɔ ḿâ, káai kélee ká tɔ̃yâ mɛni kɔ́lɔŋ,
ŋátɔ̂ŋ maa mɛni kɛ́ ƃò kálii ŋai.
Káfe yào diai dîa da ɣɛ́lɛ maa kûla kákponôi,
díkɛ kálàraŋ, dí gɛ́ kámaa é kpɛ̃liŋ.
8Da pâi tɛɛ̂i yɛ̂ɛ fili-ŋa da seɣe mîi.
Kolo-ŋa da pâi dímiî yɛ̂ɛ da yee fũ̂a m̀ii.
Kɛ́lɛ ŋáŋuŋ ma ƃô-laai káa naa ǹúu suu-ŋai kélee mɛni ma wɔ́lɔ-wɔlɔ da wɔ́lɔ-wɔlɔ.”
9Yâwɛɛ, ímu-siɣe, í kpɔ́ŋ kûa!
Kúŋuŋ ma ƃó a íwala-walai,
yɛ̂ɛ berei í gɛ̀ la kóraŋ támaa tɛɛ pôlu mai.
Ƃía fé yúoi-zere kalii Leɣa su-tèe-tee a gbua-kpûaa?
10Yá ƃé gɛ̀ yúo é kpála é tóo gáo ma,
í pere láa zâmai,
a gɛ́ɛ diai í díŋuŋ ma ƃoi, dí tɛ́ɛ naa.
11Diai Yâwɛɛ è díŋuŋ ma ƃoi, da pâi lenêi pôlu.
Da pâi tɛ̂i Zerusâlɛŋ,
díkɛ wule tôo, kâloŋ ƃɔrɔ-ŋa kɛ́ ƃò díŋûa,
díkɛ koi-nɛ̃ɛ kula.
Dílii fé pâi ŋɔ́nɔ toôi pôlu dí malôŋ see ƃó.
12Yâwɛɛ è m̀o ǹyɛɛi,
“Ńyãa ƃa íŋa-nɛnɛ.
Ya yaôi núu-kpune ma lé mɛni ma?
Núu-kpune ǹônii káa nɔ́ yɛ̂ɛ kala.
13Ya nia íkpɛtɛ nuui Yâwɛɛ ma íkɛ̀-ɣéniɛi su.
Ǹyaa ƃé ŋ̀elei kpɛ̂tɛ,
é ǹɔii zônoŋ su kɔni-ŋai lâa ǹâai.
Lé ƃé yao káa nɔ́ la kákɔlɔi kákpɔara-ƃelai mɛ̂ni ma
nyíi-ŋai díkpîŋ kpɛtɛɛi a gɛ́ɛ dí kásu-karai?
Dílii ŋwânai fé pâi sɛŋ da kɛ̂i a kâa.
14Diai kpini-pɛrɛ-ŋa mui, da pâi ŋuŋ ma ƃô sɔlɔ ƃôi ɣele kpɛ́-kpɛ̂ɛ tɛɛ́ pôlu ma.
Dífulu-laai su a pâi kɛ̂i a gôyaa
m̀ii-sãai maa nɛ̃ɛ̂i dímɛni mai, da kôlo fé pâi toôi dîa.
15“Ńyãa ƃa Yâwɛɛ, Káɣâlai
Ńyãa ƃé yúo tùmo-tumo gɛ́ tòo
a gɛ́ɛ díŋ é kúla.
Ńaa ƃa Ŋ̀wála-wâla kélee Yâwɛɛ!
16Ŋá ŋ́oo pù ká lá, ŋá káloo ńyee pôlu.
Ńyãa ƃé ŋ̀ele-kɔ̂lɔŋ fulomo ŋá ǹɔii zonoŋ su kɔni-ŋai láa ǹâai.
Ŋá m̀o Zãiyɔŋ-ƃelai dîa, ‘Káa ƃa ŋánûai.’ ”
Zerusâlɛŋ ŋɔmɔ̃́lɛ-laai a kpɛɛ
17Zerusâlɛŋ-ƃela, ka káŋɛi lá ƃó
ká kámu-siɣe ká tɔ́ɔ.
Yâwɛɛ a ká kula maa kɛ́ a ŋ̀ánaa,
kákɛ kɛ̀ tàka-taka,
yɛ̂ɛ ǹyaa ƃé ka lɔɔ kpéle,
kɛ́lɛ ká kula maa kɛ́ɛ a nâa gula kɛ̂ɛ ƃó.
18Kálaa túɛ-nuu fé ma é káteniŋ tɔ́ɔ.
Núu da fé kásama é sía a káa.
Kálônii-sinaai ká dímaa sɔlɔ ƃoi, da fé dísama é káyee sóŋ, é sía a káa.
19Mɛni kpɔ̂lu seɛ́ɛ gîe mɛi feerɛ ŋánaa a láa kâa.
Kɔ́ a kálɔii su kara,
puru kɛ́ kápàa,
Kámalôŋ káa nuu da fé ŋɔ́nɔ ma.
20Kálônii-sinaai da foâi,
díkɛ ƃò lâani bere-lêe-ŋai ma.
Da kɛ́ nɔ́ yɛ̂ɛ pîlaŋ sua a tòo loŋso ŋɔƃáre ŋá.
Ɣâla líi ŋwânai dîa. Da too Ɣâla ŋɔƃárei ŋá.
21M̀ɛni ma, káai a Zerusâlɛŋ-ƃelai mɔ̃́lɛ̂i,
kákɛ kɛ̀ tàka-taka yɛ̂ɛ núu a lɔɔ kpele ǹyaŋ lɔɔ fé kâai,
22Káɣâlai Yâwɛɛ nyíi a ká maa kɔ̃ɔi ǹyɛɛi,
“Ŋá ńii ŋwàna kâa, ŋá gɛ́ kákɛ kɛ̀ tàka-taka yɛ̂ɛ núu a lɔɔ kpêle.
Kɛ́lɛ ŋa pâi ńii ŋá yenîi kâa.
Káfe pâi ŋɔ́nɔ kɛ̂i tàka-taka yɛ̂ɛ núu a lɔɔ kpêle.
23Diai kɛ̀ mɛni ŋánaa kɛ̂i a káai, dia ƃé ŋa pâi gɛ̂i tí a dia.
Dí kɛ̀ m̀ôi kâa dîyɛɛ, ‘Ka láa kú sía kápôlu.’
Dí kɛ̀ siâi naa yɛ̂ɛ nûa da kɛ̀ siâi pere-lêe-ŋa ma.”
Currently Selected:
Azaya 51: KWB
Highlight
Share
Compare
Copy
Want to have your highlights saved across all your devices? Sign up or sign in
© 2012 Bible Society in Liberia
