Azaya 50
50
1Yâwɛɛ è m̀o ǹyɛɛi,
“Gáa kákili ŋá a gɛ́ɛ ŋá kákpɛ̀
yɛ̂ɛ surɔ̂ŋ a ŋɔnɛnîi lɛ̂ɛ?
À kɛ̀ tí, gɛ̀ ní, dáa-lâa kɔlɔi ŋá dɛ̀ɛ kápɔi, ǹyaa kɔɔ?
Kpaa máŋ gáa kákili ŋá a gɛ́ɛ ŋá kátɛ̀ɛ a sɛ́ɣɛ-sãa diai pɔ́ díkpa káa ḿâi?
Kpao, kásɔnyɔ̂ŋ maa luɛ-laa ƃé kákaa zu.
M̀ɛni nyɔ́mɔɔ-ŋai ká gɛ̀,
da nyíi-ŋai ka gɛ̂i maa luɛ-laa ká ŋí ka zui.
2“Lé ƃé gɛ̀ ŋá pà fé núu da káa níi?
Lé ƃé gɛ̀ núu da fé ŋ́oo su too níi?
Ka ǹɛ̂i ḿâ fa pɔ̂ri káŋuŋ ma ƃôi?
Kpaa máŋ káŋuŋ maa ma ƃó wala-wala fé ńyêei?
Ŋa gɛ̀ yúo é kpála,
ŋá gɛ́ ya-lêe-ŋa dípene a vɛ̃ɛ-kpâlaŋ-ŋa su,
ǹaa su nyɛ̃ɛ-ŋai dí sáa.
3Ŋa gɛ̀ ŋ̀elei su é tɛi,
yɛ̂ɛ zeɣe tɛ̂i núu à dòo ma à kɛ̀ saa mâloŋ sèe ƃôi.”
Yâwɛɛ ŋɔwoo mɛ̂ni yee mu-nuui
4Ǹuu-namui Yâwɛɛ a m̀ɛnii ƃó ḿâ ŋa pâi m̀ôi.
A m̀ó ḿâ a gɛ́ɛ ŋá diai líi kúla nyii-ŋai dífii kpɛɛ̂i.
A gɛ̀ ŋá ŋ́oli lá ƃó a ɣele ƃɔ̂i kélee,
a gɛɛ ŋá m̀ɛnii mɛni a pâi ǹɛ̂i ḿâi.
5Yâwɛɛ Ɣâla a ŋ́oli lá ƃó.
Fé pâi tɔɔ̂i m̀a,
kpaa máŋ ŋá ḿbôlu fé m̀i.
6Fé kɔ́ ní diai pɔ́ kɛ̀ ńokwâi.
Dí ńa-leɣa wèyeŋ dí ńarâŋ,
dí dílâya pú ŋ́ɛi.
Dí kɛ̀ dílâya pûi ŋ́ɛi,
díkɛ ɣɛ́lɛ-maa kûla ŋ́gbonôi.
7Ḿbɛlɛ fé tòo ní,
kpɛ́ni fêi, Ǹuu-namui Yâwɛɛ è kpɔ̀ŋ ḿâ.
Ŋá ńii kpèle díyêei,
kpɛ́ni fêi, ŋá gɔ́lɔŋ ƃâa fé pâi kulâi ḿâ,
8ŋ́uŋ ma ƃó-nuui káa ŋ́gɔlɛ.
Gbɛ̂ɛ ƃa pɔ̂ri kɔ̂i ḿbɔi?
M̀aa nuui é m̀u-siɣe wɛ̂ é tɔ́ɔ,
kwa ǹyaa kú lí mɛni-saa ƃó-pɛrɛ lá, é ńzɔŋ ƃó.
9Ǹuu-namui Yâwɛɛ ǹyaa kpîŋ káa a ńdɔɔ-pôlu Ɣala.
Gbɛ̂ɛ ƃa pɔ̂ri ǹɛ̂i a gɛ́ɛ ŋ́ɔ̂ mɛni nyɔ̂mɔɔi?
Ŋ́gbɔara-ƃelai kélee su a pâi karâai,
yɛ̂ɛ seɣe pɔ̂lɔ-ŋa ƃe ŋíliŋ-ŋa da mii.
10Gbɛɛ-ni ƃé kásama da yâo Yâwɛɛ ma,
díkɛ díwoli tɔ̀ɔ ŋɔtíi kɛ́-ƃelai dîai?
Gbɛ̂ɛ-ni ƃé kásama díkaa kpînii dífa kwaa ponóɔɔ kàai?
Tɔɔ dí láa a Yâwɛɛ, dí díkili tɔ́ɔ Ɣâla ma.
11Káai kélee ka gbã tèe nûa perêi,
ka pâi kɔ̂i a kákpîŋ ƃarei.
Yâwɛɛ ǹyaa kpîŋ ƃé pâi gɛ̂i é kɛ́ tí.
Ka pâi mɔ̃lɛ̂i kákpîŋ sɔnyɔ̂ŋ su.
Currently Selected:
Azaya 50: KWB
Highlight
Share
Compare
Copy
Want to have your highlights saved across all your devices? Sign up or sign in
© 2012 Bible Society in Liberia
