Sal 87
87
Re' ruye'ariik ruloq'il i tinamit Sión
1Re' raa' ri'sil i rutinamiit i Dios ar wilik chinaah i rusantolaj yuuq'.
2Re' QaJaaw Dios ma' k'isiin ta ruk'ax i ye'aab' Sión
chuwach i ye'aab' wilkeeb' wii' taqe i rak'uun rixq'uun i Jacob.
3Hat rutinamiit i Dios,
yohb'aal wach holwochiil i ruq'or aweh i Dios chi je' wili:
4Re' taqe i tinamit kieht'alinik nuwach,
wilik i naa nuq'orom i kib'ihnaal:
Re' Egipto, Babilonia, Filistea, Tiro, Etiopía
re' taqe re' awuuk' i hat xitz'uhkrik, je' hat kituut, inki.
5Eh re' taqe re' je' wili i naa kiq'orom:
Re' hoj, ayu' Sión xoj tz'uhk'rik
eh re' wo' Dios nim rajaawriik xsik'wik cho qawach, inkoq taqe.
6Eh re' QaJaaw Dios rutz'ihb'aam i kib'ihnaal i tinamit,
re' taqe i ar xitz'uhkrik Sión re' i je' kituut noq wilik.
7Re' taqe aj tz'uuy, taqe i aj q'ooj, je' wili i naa kiq'orom:
Re' wili xti manlik qatinamiit ruum ayu' xoj tz'uhk'rik, inko'q taqe.
Currently Selected:
Sal 87: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
