Sal 82
82
Re' Dios xuq'il i q'atal q'orik
1Re' Dios xuq'oreej taqe i Q'atal q'orik noq kimolom kiib',
xuq'at i q'orik chikinaah, je' wili xuq'or keh:
2¿Ko jaruuj taq i namay i q'ataj q'orik ma' re' ta parub'ehel?
¿Mi ma' naa taq akanaam kitoob'jiik re' i yiib' wach kina'ojb'al?
3Chako'leej la' taq i ma' kow ta ruk'ux, i ma' xta rutuut rajaaw.
Eh parub'ehel taq chaq'at i q'orik chinaah i ti' ruk'ux, eh i ma' xta wilik reh.
4Cha ko'leej taqe i ma' kow ta kik'ux,
je' wo' taqe i ma' xta wilik keh, pan kiq'ab' i yiib' wach kina'ojb'al.
5Re' taq i hat ma' aweht'al ta taq,
ma' nareq ta taq chi riij, pam q'equm taq k'acharik i na a'n.
Xa kib'arb'otik chik i wilkeeb' wach ak'al taq awuum.
6Re' hin, hat naq taq jilow dios noq xat xnukanaa'.
Eh hat naq taq manlik wak'uun noq nuq'or, i hin i Dios nim awajaawriik.
7Eh naa taq akimiik je' rukab' noq inkimik xa awach.
Eh chi je' rukab' noq insacharik wach i q'atal q'orik xakow i rub'an riib', inki Dios.
8QaJaaw Dios, chaq'at i Q'orik chikinaah wilkeeb' wach ak'al,
ruum re' i hat i ehchan reh i chu'nchel i tinamit.
Currently Selected:
Sal 82: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
