Sal 67
67
Re' reey David xuq'or chi chu'nchel i tinamit naa ruloq'iniik reh i Dios
1QaJaaw Dios, chaketelaaj
ta tii qawach qoh atoob'eej.
Eh suq ta tii qilariik neena a'n.
2Reh chi chu'nchel i tinamit wach ak'al
nee kinab'inik reh inawaaj i hat chi naa rub'aan,
eh chi xa re' wo' hat, i aj Ko'loom.
3QaJaaw Dios, xti ruk'ul chi chu'nchel i tinamit neetikiloq'ej,
eh chi chu'nchel neekiye'wik runimaal awach.
4Eh re' taqe aj panimaq tinamit neenkik'er kichii' ruum rusuqkiil kik'ux.
Ruum re' hat parub'ehel naa a'nam i taaq'anik chikinaah i tinamit,
eh re' hat naa ak'amwiik kib'eeh.
5QaJaaw Dios, xti ruk'ul chi chu'nchel i tinamit neetikiloq'ej.
Eh chi chu'nchel i tinamit neekiye'wik runimaal awach.
6Ruum re' qatik xti xiwachinik chi korik.
Qeht'al chi re' QaJaaw Dios xtoob'inik qeh.
7Re' ta naq i QaJaaw Dios neentoob'iin qeh.
Eh chu'nchel ta naq i tinamit wilkeeb' sut i wach ak'al neekiye'wik ruloq'il.
Currently Selected:
Sal 67: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
