Sal 54
54
Re' reey David xupahqaaj ree Dios chi naa ruko'ljiik pan kiq'ab' i aj ixowaal
1QaJaaw Dios panab'ihnaal ta naq neekinko'ljik.
Neeta tii kinako'leej ruuk' i runimaal awajaawriik.
2Hat nuDios, chab'iraj tii i nutiij.
Eh chayeew tii weh i nupahqaaj aweh.
3Ruum re' hin yohb'aal wach i kik'aah chi nunaah i tinamit i ki-ixowanik nuwach,
kinkaaj kiin kikansam.
Re' taqe re' ma' tikikapaaj ta k'isinoq i hat.
4Re' hat neetiko'linik weh pan kiq'ab' taqe re', ruum re' hat, hat nuDios.
Re' hat naa ako'liniik riij i nuk'achariik.
5Chasutej wach kinaah i inkiyejaa' wach i ki-ixowanik nuwach.
Chasach kiwach ruum re' hat parub'ehel inaq'at i Q'orik.
6Eh re' hin, QaJaaw Dios xti panuk'ux neenchalik
chi neenuyeew i numayiij chawach, eh neenuloq'ej ab'ihnaal.
7Ruum chi nee kinawesaj chupaam i chu'nchel ruti'kiil nuk'ux,
eh chi neenasach kiwach taqe i ki-ixowanik nuwach.
Currently Selected:
Sal 54: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
