Sal 53
53
Re' yiib' wach na'ojb'al inki a'n i ma' kinimanik ta ree Dios
1Re' i ma' kinimanik taj,
inkiq'or chi ma' xta Dios.
Chi kunchelaal xkiq'eb' kiib', xa re' chik i yiib' wach na'ojb'al inki a'n
Ma' jino'q keh imb'anik i korik.
2Re' QaJaaw Dios kopan taxaaj rilow chaloq
taqe i tinamit mi wilik jino'q
chi kixilak i wilik runa'ojb'al
reh chi neenimjik i reh.
3Xa re' la' chi kunchelaal xkichop q'ab'
rub'anariik i yiib' wach na'ojb'al.
Ma' awach keh imb'anik reh i holohik laj na'ojb'al
ni xata naq jinaj keh.
4Re' taqe ma' xta kina'ojb'al ma' holohik ta kib'anik,
k'ahchi' kik'uxum i nutinamiit je' nk'uxarik kaxlanwi'k inki a'n
Re' taqe re' ma' nkikapaaj ta kitiij inki Dios.
5Re' i rutinamiit i Dios naa rik'iik i kiyo'jiik.
Ruum re' Dios xa aha' naa rukanaam tzuub' i kib'aqil taqe inixowanik kiwach.
Eh naakik'uhtaam kik'ixb'ilaal,
ruum ma' naa ta kikojariik paruman ruum i Dios.
6Ruuk' ta naq i QaJaaw Dios wilik cho Sión nee nelik chaloq
i ko'lemb'al kiib' i aj Israel re' taqe i riih rumaam i Jacob.
Re' noq re' Dios naa resam chaloq i rutinamiit pan tokoom tinamit,
nee naq insuuqb'ik kik'ux.
Currently Selected:
Sal 53: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
