Sal 49
49
Ma' toob' taj i ye'ej k'uxliis chinaah i b'ehomal
1Hat taq tinamit, wilkaat taq chi junsuut
i wach ak'al chab'iraj taq i naa nuq'orom.
2Wilik taq awajaawriik, taq i hat ma' nimaq ta taq awach,
chi b'ehoom, chi neb'aa' chab'iraj taq.
3Re' hin naa nuq'orom i nimaq kiwach na'ojb'al.
Eh naa nuq'orom i nimaq kiwach kapeew.
4Eh naa nuq'orom taq aweh i na'ojb'al xiik' naah k'ayewal wach,
ruuk' i arpa naa nutz'uyiniik noq naa nuq'orom taq aweh.
5¿Chib'ih reet noq naa nuyo'jiik noq neenk'u'loq i ti' k'axik chi nunaah.
Eh je' wo' noq neenkian weh i ti' k'axik i aj ixowaal?
6Re' keh inkiyeew kik'ux chinaah i kib'ehomal.
Eh q'e' inkinimb'isaj kiwach ruum ma' k'isiin i chib'ih keh.
7Xa re' la' xama' awach ta wo' hoq i neeruko'leej riib' ruuk' i chib'ih reh
ruum ma' nee ta ruyeew riib' chi nee ruloq' i ruk'achariik ruuk' i Dios.
8Ma' awach, taj i neerub'an ruloq'ariik chi nee ta inko'ljik riij i ruk'achariik
ruum ma' nee ta wo' inkuyjik tz'aaq.
9Eh ma' awach taj i neerub'an ruloq'ariik i ruk'achariik
chi ma' ta neenkimik reje chi jumpech ayu' wach ak'al.
10Eh ink'utinik chi chu'nchel i k'achareel kikimik reje.
Nik' wach noq inkimik i wilik runa'ojb'al
je' wo' re' noq inkimik i ma' xta runa'ojb'al,
re' kib'ehomal tokoom chik aj eh inkahnik.
11Re' keh atoob' ta kikojom
pankib'ihnaal i ruhujil i kak'aal
xama' naa ta wo' rukahniik keh chi jumpech.
Ruum re' i jul naakimuhqiik wii'
naa rukahniik chi kiye'aab' chi jumpech.
12Re' k'achareel ayu' wach ak'al ma' naa ta ruk'achariik ayu' chi juneliik,
xanaa wo' rukimiik reje, je' rukab' noq kikimik reje i chikop.
13Re' taqe inkich'ikaa' kik'ux xa chi kib'il kiib',
je' wo' taqe inkiyeew kik'ux chinaah i kib'ehomal je' wili kiooj kuxoq wii'.
14Eh naakik'ulum keh je' rukab' inkik'ul i tentzun noq kimuq'ub'jiik,
eh re' i korik wach kik'ux naa ruq'atwiik kiwach na' ponoq i q'iij.
Re' keh naa kikahniik chi ma' xta chik kajaawriik,
re' kijuul naa rukahniik chi kiye'aab' chi jumpech.
15Raaj i hin re' QaJaaw Dios naa ruko'liniik reh i wánjel nut'iosil
ma' naa ta rukahniik chi muqlik chi jumpech, naa la' ruk'amam johtoq ruuk'.
16Re' hat mantib'ik ak'ux wila' awach i xb'ehoomrik,
eh wi xuyejaa' ruholohaq paat.
17Ruum na'kimoq ma' naa ta ruk'amam reje i rub'ehomal.
Ni xata re' i runimaal wach naa ruk'amam reje chi riij.
18Atoob' ta naq enche yohb'aal wach suq kiil ruk'ux
noq ko k'acharik i rub'an ayu' wach ak'al.
Atoob' ta naq ye'aroq runimaal wach kuum i tinamit,
19Naa ruponiik i q'iij noq naa rukimiik.
Eh ma' naa ta chik rilom wach i saqum chi jumpech.
20Re' ju'jun chi k'achareel ma' rureq ta chi riij.
Atoob' ta yohb'aal wach b'ehomal xanaa wo'
rukimiik reje, je' rukab' noq kikimik reje i chikop.
Currently Selected:
Sal 49: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
