Sal 47
47
Re' QaJaaw Dios xti manlik reey chikinaah i tinamitsut i wach ak'al
1Chawunchelaal taq i hat tinamit chapoq'poteej taq paam aaq'ab',
cha k'er taq aachii' chuye'ariik ruloq'il i QaJaaw Dios.
2Ruum re' QaJaaw Dios nim rajaawriik yohljik iraaj,
xti manlik reey chikinaah i tinamit sut i wach ak'al.
3Eh xuq'asaj taqe panqaq'ab' chu'nchel i tinamit ki-ixowanik qawach,
eh xuyeew taqe chi ri'sil i qajaawriik.
4Re' i QaJaaw Dios xsik'wik wach i ye'aab', naa ruye'em chi qakooch.
Re' i ye'aab' q'e' xponik chuwach i Jacob, re' i xk'axarik ruum i Dios.
5Ruuk' i ruhuupjiik paam i tuun, ruuk' i rutz'uuyjiik wach i Dios
xi ponik chupaam i rusantolaj ye'aab' i QaJaaw Dios.
6Chayeew taq ak'ux chutz'uuyjiik wach i QaJaaw Dios.
Chutz'uuyej taq wach ruum re' reh i qareey.
7Chatz'uyej taq wach ruuk' ana'ojb'al i qaDios
ruum re' reh manlik reey chikinaah tinamitsut i wach ak'al.
8Re' QaJaaw Dios reey chikinaah i tinamit.
Wilik chaloq parusantolaj ye'aab' chi taaq'anik.
9Re' taqe nimaq wach kajaawriik chupaam tinamit inki a'n jinaj kiwach kuuk'
irutinamiiti QaJaaw Dios, re' ruDios chaloq i Abraham.
10Re' i QaJaaw Dios inko'linik keh i tinamitsut i wach ak'al.
Eh re' reh inye'arik runimaal wach chikiwach chu'nchel.
Currently Selected:
Sal 47: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
