Sal 43
43
Re' reey David xupahqaaj ree Dios chi naa rehtesjiik chupaam i ti' k'axik
1QaJaaw Dios, chaq'at i q'orik chi nunaah,
cha q'or chi ma' xta numahk.
Eh kinako'leej chikiwach i tinamit ma' kinimanik taj.
Kinako'leej chuwach i winaq aj jot'ool ma' holohik tamb'anik.
2Ruum re' hat,
hat nuDios ye'el rukowiil nuk'ux.
¿Chib'ih reet noq xinsahchik panak'ux? Eh
¿chib'ih reet noq xa eliik ti' nuk'ux kuum i ki-ixowanik nuwach?
3QaJaaw Dios, chayeew weh asaquumaal,
je' wo' i korik.
Re' re' neekik'amwik nub'eeh reh chi nee kinponik chupaam aapaat,
wilik pana santo laj ye'aab' Sión.
4Eh noq neekimponik chuwach aa artaal QaJaaw Dios
ar neenutz'uyej awach ruuk' arpa.
Ruum re' hat, hat nuDios
ti ye'wik rusuqkiil nuk'ux.
5Eh xnuq'or wo' chi je' wili:
¿Chib'ih reet noq q'e' intib'ik nuk'ux
eh chi xa re' chik taqe re' i nukapaaj?
Xanaah re' re' hin ch'iklik wo' naq nuk'ux ruuk'
i nuDios koneeruyeew q'ab' weh chi nee nuloq'ej,
eh chi nee kiruko'leej, kinki.
Currently Selected:
Sal 43: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
