Sal 27
27
Re' QaJaaw Dios i nusaquum, re' reh inko'linik weh
1Re' QaJaaw Dios i nusaquum, re' reh i waj Ko'loom.
Re' reh inye'wik rukowiil nuk'ux panuk'achariik.
Ruum aj re',
ma' xta neekinyo'jik wii'.
2Re' taqe i yiib' wach kina'ojb'al,
i ki-ixowanik nuwach,
noq xkimol naq kiib' chi nunaah chusachariik nuwach,
re' chik i keh xsacharik kiwach.
3Atoob' ta neenkimol kiib' i ruk'ihaal soldado
chi nunaah chub'anariik weh, ma' nee ta kinyo'jik.
Atoob' ta neenkitik'aa' q'aq'inik wuuk',
re' hin xama' nee ta wo' inchalik nuyo'jiik.
4Re' hin xa jinaj i nupahqaaj reh i QaJaaw Dios,
xa jinaj inwaaj chi naa nub'anam:
Re' chi nee kinwihik chupaam i rusantolaj Paat
chu'nchel i q'iij nik' chik najtiil i nuk'achariik,
reh chi ar neenuloq'ej,
eh neenub'an rusuqkiil i ruholwochiil chii' wach i reh.
5Eh noq neenchalik i ti' k'axik chi nunaah, re' QaJaaw Dios neenko'linik weh.
Eh nee wo' kiruko'leej ar chupaam i rupaat.
Je' naa chinaah jino'q i paat ab'aj neekiruyeew noq neekiruko'leej.
6Re' reh naa kiin rutoob'eem,
reh chi neenuq'at kiwach taqe i ki-ixowanik nuwach.
Chi je' re' neerub'an chi neenuk'at i numayiij chupaam i ruloq'laj paat i QaJaaw Dios.
Eh kow naa nutz'uyem wach ruum i rusuqkiil nuk'ux.
7WaJaaw nuDios, re' hat k'ahchi' kaat nuq'oreem.
Chayeew tii weh i nupahqaaj aweh. Chaketelaaj tiinuwach, kinab'iraj tii.
8Re' hin xchalik pan wánima
chi naa kaat nusik'im.
Ruum aj re', yu'naak k'ahchi'
nusik'im i loq'laj awotob'il.
9WaJaaw nuDios, chayeew tii weh aawotob'il.
Maa kinachaq'weej ruuk' josq'iil.
Makinakanaa' wutkeel,
ruum xa re' wo' hat titoob'inik weh,
eh xa re' wo' hat, hat waj Ko'loom.
10Atoob' ta nee kinkiq'eb' i nutuut wajaaw,
re' hin weht'al chi re' QaJaaw Dios neemolwik weh.
11WaJaaw nuDios, cha k'uhtaaj tii weh aab'eeh.
Chak'am nub'eeh chupaam i korik,
reh chi ma' xta neekinkuchej i ki-ixowanik nuwach.
12Maayeew q'ab' chi neenkian wuuk'
inkaaj kianam taqe i ki-ixowanik nuwach,
ruum re' keh xa chib'ih i q'orik inkitz'aq chi wiij, inkaaj kianam ti' k'axik weh.
13Eh wi ta ma' nunimaj i hin
chi naa nuk'ulum i rotob'il i Dios
panuk'achariik ayu' wach ak'al, yojinaq naq chik nuk'ux.
14Chachop ak'ux ruuk' i QaJaaw Dios.
Marub'an kiib' ak'ux, cha chop la' ak'ux chi korik,
ruum xa re' wo' reh i ruk'ul chi naa awuy-eem i rotob'il.
Currently Selected:
Sal 27: POK
Highlight
Share
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
