Sal 26
26
Re' reey David xuq'or reh i Dios chi re' reh korik wach ruk'ux
1WaJaaw nuDios, chaq'at i q'orik chi nunaah.
Eh re' hat nee ti q'orik chi ma' xta numahk,
ruum awuuk' i hat i nuyeew nuk'ux, chi juneliik.
2WaJaaw nuDios, chawilow nik' wach i nuk'achariik chawach.
Chawilow mi korik wach i nukapeb'aal, mi korik wach i nuna'ojb'al,
3Re' hin weht'al chi juneliik kinak'ax,
re' hin korik wach nuk'ux awuuk'.
4Eh ma' nub'an ta jinaj nuwach kuuk' i chukul q'orik,
ma' kinwihik ta chi kixilak i xak'ul inki a'n kiwach.
5Eh ma' nwaaj ta wach i moloj iib' inki a'n i yiib' wach kina'ojb'al.
Eh ma' jank'al ta kinwihik chi kixilak i ma' holohik ta kib'anik.
6QaJaaw Dios, re' hin je' naa naa nutz'ajam i nuq'ab',
reh chi ma' xta numahk noq nee kinokik chuwach aa artaal,
7reh chi naa nutz'uyem awach,
eh naa nuq'orom rib'iral taqe i na a'n xiik' naah loq'il.
8WaJaaw nuDios, re' hin q'e' nuk'ax i loq'laj apaat,
re' i ti wihik wii', re' i ye'aab' wilik wii' i runimaal aaloq'il.
9Maayeew q'ab' chi nee kinkimik je' rukab' inkik'ul i aj mahk.
Eh maayeew q'ab' chi nee nuk'ul weh i ti' k'axik inkik'ul i aj kansan kas kichaaq'.
10Re' keh xa re' wo' hoq i mahk inki a'n
xa re' wo' i leq' inki a'n.
11Eh re' hin weht'al chi ma' xta numahk chawach, kinako'leej, chaketelaaj nuwach.
12Re' hin nuchopom nuk'ux ruuk' i QaJaaw,
Ruum aj re', naa nuye'em runimaal i ruloq'il chikiwach i rutinamiit inkimol kib'.
Currently Selected:
Sal 26: POK
Highlight
Share
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
