Sal 146
146
Re' rulooq'jiik i Dios ruum taqe rub'anam chaloq
1Re' hin naa nuloq'em
i QaJaaw Dios pan wánima.
2Naa nuloq'em i QaJaaw Dios panuk'achariik.
Naa nutz'uyem wach nik' pa' chik najtiil wilkiin ayu'.
3Maayeew taq ak'ux chikinaah i ajaab'ees
Ni xata chinaah chik jino'q i winaq ruum re' reh xama' inko'linik ta wo' hoq.
4Eh noq inkimik kisutinik wo' chik chi pooq ak'al.
Eh xa chupaam i q'iij re' re' insahchik wach aha' naq wilik taqe i rukapaaj rub'aan.
5Atoob' reh awach i ruk'ul i rotob'il i QaJaaw re' ruDios i Jacob.
Eh ruuk' wo' i RaJaaw i ruDios i ruyeew i ruk'ux.
6Re' xyej-anik reh i taxaaj, i wach ak'al,
i palaw, je' wo' chu'nchel i wilkeeb' chupaam taqe re'.
Eh i rub'an taqe i ruq'or.
7Re' rub'ehel i rub'an kuuk' i ti' wilkeeb'.
Eh i ruyeew kiwa' taqe i nuhmeel.
Eh i resaj taqe panti' k'axik i je' pantz'ilom wilkeeb'.
8Re' QaJaaw Dios i ruteh inaq'kiwach i moywach
Eh i ruksaj taqe i q'ehb'eel,
i ruk'ax taqe i korik wach kik'ux.
9Re' QaJaaw Dios i ruko'leej taqe i tokoom tinamit,
taqe i ma' xta kituut kajaaw, taqe ixoq kamnaq kib'ahiil.
Eh i ruyoj wach inkiyejaa' wach i yiib' wach kina'ojb'al.
10Re' taq i hat i aj Sión, re' taq aaWaJaaw aaDios naa ruwihiik chi taaq'anik,
xa jar ch'iht pa' chi k'achareel naa kik'iik.
Neeta naq inye'arik ruloq'il.
Currently Selected:
Sal 146: POK
Highlight
Share
Compare
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
