Sal 130
130
Re' taqe aj Israel xq'orarik keh chi naakuy-eem i rotob'il i Dios
1QaJaaw Dios, noq inyot'ik i nuk'ux, aweh i hat i nupahqaaj nutoob'jiik.
2Jaaw nee ta tii kinab'iraj.
Neeta nayeew weh i nupahqaaj
aweh ruuk' ruti'kiil nuk'ux.
3QaJaaw Dios, nee ta qohayeew chutojariik i qamahk
ma' awach ta naq neenkuywik reh aajosq'iil.
4Inakuy inasach la' chu'nchel i qamahk,
re' nawaaj i hat chi naa kaat qaloq'em.
5Re' hin chu'nchel nuk'ux
inwuy-eej chi naa kiin rutob'eem i QaJaaw Dios,
ruum ruuk' i reh ch'iklik nuk'ux.
6Re' hin kinokik chi ruyub'jiik i rotob'il i QaJaaw Dios.
Je' rukab' noq inkuy-eej i saq'ik i aj cha'jen tinamit.
7Re' taq i hat aj Israel chawuy-eej taq i rotob'il i
QaJaaw Dios, ruum re' reh aj keteloom wachiis.
Eh re' reh neenko'linik taq aweh.
8Re' QaJaaw Dios naa ruko'liniik keh i
aj Israel ruuk' chu'nchel i kimahk.
Currently Selected:
Sal 130: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
