Sal 129
129
Re' QaJaaw Dios ineesanik keh panti' k'axik i aj Israel
1Re' taq i hat wuch aj Israel yohb'aal wach i ti' k'axik taq ak'ulum,
xa re' wo' rutohq'iik chee qatinamiit cha q'or taq chi je' wili:
2Re' hoj yohb'aal wach i ti' k'axik qak'ulum, xa re' wo' rutohq'iik chee qatinamiit.
Xa re' la', xakomajaa' ta wo' chih qoh kuchej.
3Eh yohb'aal wach ti'kiil inki a'n qeh, k'ahchi'kooj kiye'em chi tz'uhuum,
xa rukanaa' chik rehtalil chi qajurub'.
4Eh re' QaJaaw Dios korik wach ruk'ux,
re' reh xko'linik qeh pan kiq'ab' i yiib' wach kina'ojb'al.
5Neeta naq inkimol chi elik ruum kik'ixiik
taqe i ki-ixowanik wach i tinamit Sión.
6Eh nee ta naq kikahnik chi xa je' kikab' i ch'ahn impoq' naah paat
inchiqik noq komajaa' inchuqarik.
7Eh chi xa je' kikab' i ch'ahn xama' xta inkamanik wii' reh isik'il trigo,
eh ni xata kamanik reh imb'ak'wik paam chi chuhtaal.
8Eh awach i ki-ik'ik ma' kiq'or ta chi je' wili:
Re' QaJaaw Dios inkuxisanik keh, ma' inko'q ta taqe.
Eh ni xata neenpahqaljik i rotob'il i Dios chikinaah.
Currently Selected:
Sal 129: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
