Sal 125
125
Re' QaJaaw Dios i rucha'jeej taqe i rutinamiit
1Awach taqe i kiye'em kik'ux ruuk' i QaJaaw Dios,
je' kikab' i yuuq' Sión ma' nk'uyu'jik ta paruye'aab', wilik paruye'aab' chi juneliik.
2Nik' wach noq wilkeeb' i yuuq' chi junsuut i tinamit Jerusaleem,
je' re' noq rusutem riij i rutinamiit i QaJaaw Dios yu'naak, eh je' chi juneliik.
3Re' i yiib' wach kina'ojb'al
ma' chu'nchel ta q'iij naa kiwihiik
chi taaq'anik chinaah i kiye'aab' korik wach kik'ux.
Ruum ma' nkitoq'aa' inche keh i yiib' wach taqe i korik wach kik'ux.
4QaJaaw Dios, cha a'n otob'il keh i holohik kina'ojb'al,
je' wo' taqe i korik wach kik'ux.
5Eh re' i kib'anik reh i yiib' wach na'ojb'al,
chayeew taqe panti' k'axik je' rukab' inkik'ul i yiib' wach kina'ojb'al.
Eh nee ta naq inwihik i suq kiil k'uxliis kuuk' i aj Israel.
Currently Selected:
Sal 125: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
