Sal 124
124
Re' rulooq'jiik i QaJaaw Dios xkian i aj Israel ruum i kiko'ljiik
1Eh ¿Chib'ih naq i xqak'ul i hoj,
i hoj aj Israel wi ta ma' xojruko'leej i QaJaaw Dios?
2¿Chib'ih naq ixqa a'n noq yohb'aal wach i kijosq'iil noq xi chalik chi qapletohjik
i aj ixowaal wi ta ma' xojrutoob'eej i QaJaaw Dios?
3Eh ruum i kijosq'iil jumehq'iil naq xkisach qawach,
xoj kib'iq' naq chi k'achlik qawach.
4Ruuk' naq i xkian qeh re' re' je' naa xojruqerej reje i kowlaj rooq haa'.
Eh xumuq'aa' qanaah i nim ha'.
5Je' naa xik'ik chi qanaah i kowlaj rooq ha'
wi ta ma' xooj ruko'leej i QaJaaw Dios.
6Ruum aj re' nee ta naq inye'arik ruloq'il i QaJaaw Dios,
ruum ma' xuyeew ta q'ab' chi xkisach qawach i ki-ixowanik qeh.
7Re' hoj xojko'ljik chuwach i kantesb'al,
je' rukab' noq i ruq'uch reje riib' i tz'ikin pan xirob'
ruum ma' xi elik ta korik ruuk' i xkian naq qeh.
8Eh re' i xtoob'inik qeh re' i QaJaaw Dios
ixyej-anik cho reh i taxaaj, i wach ak'al.
Currently Selected:
Sal 124: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
