Sal 101
101
Re' reey David xuq'or reh i Dios chi naa rub'anam i korik
1QaJaaw Dios, re' hin naa kaat nuloq'em ruuk' nutz'uuy.
Ruum re' hat korik wach ak'ux, eh hat aj keteloom wachiis.
2Re' hin neenureq chi riij i wihik parukorkiil noq nee kinatoob'eej.
Chi je' re' korik wach i nuk'ux noq neekinwihik
chi kixilak wilkeeb' panupaat.
3Re' hin ma' nuk'ax ta wach
i yiib' wach imb'aan.
Eh ma' imponik ta chi nuwach inki a'n inkiq'eb' kiib' chuwach i Dios,
re' taqe re' ma' jino'q nanuk'ulum cho wuuk'.
4Re' hin ma' nee ta nukapaaj i ma' holohik taj.
Eh ma' xtaj i yiib' wach na'ojb'al inwaaj nub'anam.
5Naa nuq'ilim taqe inkib'aj kas kichaaq'.
Re' hin ma' naa ta nukuyum kimahk
i xa q'et q'et taqe, eh inkinimb'isaj kiwach.
6Re' hin naa nusik'im kiwach taqe i korik wach kik'ux
reh chi naa kiwihiik wuuk'.
Eh xa re' wo' hoq i korik wach ruk'ux paruk'achariik
naa rokiik chi kamanik wuuk'.
7Eh chupaam i nupaat
ma' jino'q i rub'an i leq'
ruuk' jot'ooj naa ruwihiik.
Ma' jino'q i chukul q'orik naa ruwihiik ar.
8Eh rajlaal q'iij naa nusacham kiwach
taqe i yiib' wach kina'ojb'al wilkeeb' panqatinamiit.
Eh naawisam taqe reje chi kixilak i rutinamiit
i Dios.
Currently Selected:
Sal 101: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
