Sal 100
100
Re' ruq'orariik chi naa rut'iosjiik reh i QaJaaw Dios i rotob'il
1Chawunchelaal taq i hat i wilkaat taq chi junsuut i wach ak'al,
cha tz'uyej taq wach i QaJaaw Dios chi suq suq taq ak'ux.
2Cha a'n taq i rukamaj i QaJaaw Dios chi chu'nchel taq ak'ux.
Eh kim taq chaloq'ej taq ruuk' atz'uuy chi suq suq taq ak'ux.
3Chanab'eej taq chi re' QaJaaw re' reh i xti manlik Dios.
Eh re' reh tz'uhk'risanik qeh.
Ma' re' tee hoj xqatz'uhkrisaj qiib' chi qib'il qiib',
hoj rak'uun rixq'uun, hoj rutentzuun noq wilkooj.
4Eh okeen taq i koq chi chii' i ru puertahiil
i rupaat i QaJaaw Dios chi t'ioosjik i rotob'il.
Chatz'uyej taq wach,
chayeew taq runimaal wach i rub'ihnaal.
5Ruum re' i QaJaaw Dios xiik' naah i rotob'il,
eh juneliik wilik ketelinik wachiis ruuk'.
Eh korik wach ruk'ux chi juneliik.
Currently Selected:
Sal 100: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
