Prov 7
7
Re' ruyiib' wach na'ojb'al ixoq i ruch'uwa'risaj wach irukaxaro
1Hat wak'uun noq wilkaat cha nimaj taqe i nuq'oral,
chamol taqe panawánima i nuk'uhb'aal.
2Chamol taqe i nuk'uhb'aal, je' wo' taqe i ti nutijej wii',
je' kik'axarik rutiyoxil naq'awach cha a'n.
Reh chi nee ti k'acharik.
3Chakoj taqe ju' taq aq'ab',
cha tz'ihb'aaj taqe panawánima.
4Chak'ax i holohik laj na'ojb'al chi je' jino'q awanaab',
cha k'ax i na'ojb'al chi je' jino'q awach aweh.
5Ruum re' taqe re' naa ruko'liniik aweh chi ma' nee ta ti mahkunik ruuk' i
k'oyoom laj ixoq ma' aweht'al ta wach, ch'ub'ik laj q'orik tiruq'unej wii'.
6Pan jinaj q'iij i hin tz'eht i nub'an reje
paru ventana hiil i nupaat.
7Eh wilik taqe i k'ijool komeem taqe ik'ik inki a'n
Eh chi kixilak i re',
jinaj i komajaa' chih runa'ojb'al.
8Eh xwilow noq xponik chi tz'ukaal i b'eeh
xooj chi korik pan q'ab' b'eeh inooj ruuk' rupaat k'oyoom laj ixoq.
9Eh noq xokik i q'iij,
k'ahchi' chik rokiik i q'equm.
10Xelik chaloq jinaj ixoq chuk'ulariik i k'ijool.
Re' i k'oyoom laj ixoq re' re' xaruyejaam chik riib', xa rutiq'aa' chik riib'.
11Re' ruuk' ixoq xama' holohik ta imb'anik ma' xta ruk'ixiik,
eh xama' nwihik ta wo' parupaat.
12Re' ruuk' i xa pantaq b'eeh, xa pantaq k'aayb'al wilik,
pantaq rutz'ukaal b'eeh inwihik, i ruy-eej aawach i nee ruchop chi peet.
13Re' ixoq re' re', xelik chaloq xuq'ahcheej i k'ijool, eh xutz'ub' i koq i wach
je' wili xuq'or reh:
14Re' hin nuq'orom chi naa nuye'em i nu k'atoj mayiij
reh i rusuqkiil k'uxliis yu'naak xnuyeew chik.
15Ruum aj re', xinelik chaloq chak'ulariik,
re' hin xa nwotow naq chik rilariik awach,
eh kore' yu'naak xat nureq.
16Xnuyejaa' chik wach inuch'aht,
xnuhe' chik i holohik laj chamaar chuwach re' ruuk' i lino ar inchalik Egipto.
17Eh xnukoj chik ink'ohnik laj iq'oom chuwach re' ruuk'
i mirra, re' ruuk' i canela.
18Kim taq tiyook wuuk' wach nuch'aht,
qa a'n rusuqkiil i q'o'rinik qiib' ar korehtaal insaq'ik.
19Matcapeb'ik, ruum re' i nub'ahiil ma' xta pampaat,
ojinaq pan rub'iyájo eh najt xooj rub'an.
20Re' reh xuk'am reje jinaj k'isa bolso chi tumiin,
kore' i q'iij ruq'orom naa ruk'uliik chaloq pampaat inki reh i k'ijool.
21Eh toq' toq' xub'an reh i k'ijool
ruuk' taqe ruq'oral xuq'unej wach korehtaal xnimjik reh.
22Re' k'ijool xooj wo' chi riij ixoq.
Je' rukab' noq ink'amarik reje i b'ooyax pan kantesb'al,
je' rukab' noq inooj q'ehb'oq i keej pan xirob'.
23Xanaah re', xa je' chik flecha inokik ruuk' ránima,
je' rukab' i rub'an i tz'ikin xa nooj rumin riib' pan xirob'.
Ma' reht'al taj chi re' re' naa rukansaniik reh.
24Hat wak'uun noq wilkaat,
re' hat xti chayeew axikin chi rib'iirjiik taqe i nuk'uhb'aal.
25Maayeew taqe reje akapeb'aal chinaah iixoq re' re', manimaj reh i ruq'or aweh,
reh chi ma' nee ta naq'eb' awiib',
26ruum re' ixoq re' re', ma' k'isiin taqe i ruye'em panti' k'axik.
Eh wilik wo' naq taqe i kow kiib' xuk'am taqe pankimik.
27Je' re' noq awach xtahqinik reje ree ixoq re' re' parupaat,
re' i rub'eeh i kimik k'ahchi' ruk'amam.
Currently Selected:
Prov 7: POK
Highlight
Share
Compare
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
