Isa 18
18
Xq'orarik chinaa ruchaliik i ti' k'axik chinaah i tinamit Etiopía
1Re' taq i hat q'e' taq ti' i naa ak'ulum
i wilkaat taq chupaam i tinamit wilkeeb' wii' utz'
chi chii' taqe i nim ha' ar Etiopía
2Re' taq i hat inataq'aaj taq
i awaj taqareel nah taq palaw, nah taq nim ha'
chupaam taqe barco kowlaj k'im korjinaq wii'.
Xa kow chik inki a'n noq kichalik taqe aj taqareel,
eh yu'naak nee wo' chik kisutinik reje chupaam i kitinamiit
i q'e' kow kiib', q'e' holohaq taqe.
Eh inyohljik kiwach kuum taqe i sutimaj kiij chi ha'.
3Je' re' noq chawunchelaal taq
i hat wilkaat taq wach ak'al
koruman chi naa taq ajosam
jinaj i rehtalil chinaah i yuuq'.
Chawilow taq,
noq naa ruxuljiik chee tuun chab'iraj taq.
4Re' i QaJaaw Dios je' wili i xuq'or:
Re' hin ayu' pan taxaaj chupaam i nuye'aab',
naa wilom chib'ih i naa kianam i tinamit,
je' rukab' noq insihq'inik i q'iij noq kore' xukohlaaj i jab'.
Eh je' rukab' noq inchalik i mus jab' noq kore' xkuxik i jach.
5Eh noq i rutoq'aa' ixmak'inik i uuva korehtaal inq'aanb'ik i wach.
Eh noq komajaa' i rutoq'aa' wachinik
inyok'arik iloq i chiqiij chi xilak i q'ab'.
Je' re' i naa taq ak'ulum i hat,
hat taq aj Etiopía noq naa kisacham taq awach.
6Eh re' taqe i kiti'jolal i aj ixowaal,
xa aha' naa rukahniik chi kutlik wataq yuuq',
eh re' taqe i k'uch naa ruk'uxwiik keh,
ruch'ihil taqe i josq'laj chikop,
re' taqe i chikop re' re',
ar naa kik'sam i siq'jil, iq'ilej q'iij.
7Eh chupaam i q'iij re' re', naa kik'amam chaloq i kimayiij
chuwach i QaJaaw Dios
taqe i tinamit nimaq kooq, eh q'e' holohaq taqe. Eh q'e' kow kiib',
inyohljik kiwach kuum taqe i tinamit kotimaj kiij chi ha'.
Re' i kimayiij naa kik'amam cho chinaah i yuuq' Sión,
re' inlooq'jik wii' i QaJaaw Dios.
Currently Selected:
Isa 18: POK
Highlight
Share
Compare
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
