Isa 15
15
Re' noq i xq'orarik rib'iral i ti' k'axik xuk'ul i tinamit Moab
1Re' taqe wili xq'orarik chi riij i tinamit Moab:
Xti korik noq re' i tinamit Ar rub'ihnaal,
i tinamit Qir wilkeeb' ar i Moab,
xa ruuk' i jinaj aq'ab' naa rusahchiik kiwach.
Eh ma' jino'q chik i naa rukahniik ar
2Eh re' taqe i aj Dibón,
naa koq'iim
chuwach i artaal wilik chinaah i yuuq'.
Eh re' taqe i aj Moab,
naa koq'iim chi riij i tinamit Nebo, i tinamit Medeba.
Eh naa kijoyom i rismaal kinaah, i kusinchii'.
3Eh naa kikojom i q'as wach itz'ihy chikiij,
noq naakeliik pantaq b'eeh
naa kojiik chi oq'ik pantaq k'aayb'al naakik'erem kichii'
ruum i ruti'kiil kik'ux chinaah taqe paat.
4Re' taqe i aj Hesbón, aj Eleale naakik'erem kichii',
eh ko ar Jahaza naa rib'irjiik chaloq.
Ruum i re' naa kiyo'jiik naa ruyojiik kik'ux
taqe i ki soldado i aj Moab.
5Re' hin ti' inwik'raaj taqe i aj Moab,
ruum naakimolom chi elik ko Zoar,
eh ko Eglat-selisiya naakiponiik.
Eh suq kioq'ik noq naakijohtiik chinaah i yuuq' Luhit.
Kow naakik'erem kichii' chi oq'ik,
noq naa kojiik k'oloq
chupaam i ye'aab' Horonaim.
6Re' taqe i jul ha' ar Nimrim
naakichiqiik.
Naa ruchiqiik taqe k'im, chu'nchel i tik,
taqe i chee' k'ahaam,
ma' jino'q chik i xaq naa rukahniik chi rax.
7Je' re' noq re' i chib'ih keh kimolom wach i b'ehoom,
naa kik'amam reje chikiij
kochi juntar i nim ha' Sauce rub'ihnaal.
8Ruum chupaam i tinamit Moab
aha' ta chik ma' naa rib'irjiik i oq'ik.
Eh naa rib'irjiik Eglaim,
naa rib'irjiik pan tinamit Beer-elim.
9Eh re' taqe i ha' ar Dimón naa rusutiniik chi kik'.
Re' hin koxiik naah i ti' k'axik naa nuye'em chikinaah i aj Moab.
Eh re' taqe i ma' naa ta kikanteesjiik kuum aj ixowaal,
kaq b'ahlam naa ruk'uxwiik keh.
Currently Selected:
Isa 15: POK
Highlight
Share
Compare
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
