Matey 7
7
Mi'n che yoline mya ba'n cyi'j cyuc'ile
Lucas 6.37-38,41-42
1Mi'n che yoline cyi'j cyuc'ile ka mya ba'n ke, tu'ntzun mi'n cyoque tuj xjel tu'n Dios. 2Porque ic tza'n in che yoline ti'j cyuc'ile, ax icxtzun cbel cysentense tu'n Dios, ex ax ju malbil c'ajbel tu'n Dios cyeye jatum in xi cymalo'ne te juntl. 3¿Ex tiku'n nno'c cyque'yine aju tal tz'is tocx tuj twitz cyermaniye, ex minti' nno'c cyk'o'ne cwent ti'j ju viga tocx tuj cywitze? 4¿Ex tza'ntzun tten tu'n t-xi cyma'ne te cyermaniye: C'eletz ki'ne ju tal tz'is tuj twitza erman, ex lu ju viga tocx tuj cywitze? 5Xmletz' keye, nej cyi'metze aju viga tocx tuj cywitze, entons k'ancha'lxix oc cyla'ye tu'n tetz cyi'ne ju tal tz'is tocx tuj twitz cyermaniye.
6Mi'n txi cyk'o'ne cye tx'yan aju in ajben te Dios, mya yajcu che ajtz meltz'aj ex jacu che baj tzakune cyu'n. Ex mi'n txi cyxo'ne cyperlaye cywitz ke boch, mya yajcu baj cywaban.
Cykaninxe, cyjyome ex cyk'ajtzan oque ttzi ja
Lucas 11.9-13; 6.31
7Cykaninxe ex ctzajel k'o'n cyeye; cyjyome ex cnetel cyu'ne; cyk'ajtzan oque, ex cjaketel ttzi ja cywitze.
8Porque alcye jun xjal in kanin ti'j, oc tc'ma'; ex aju in jyon ti'j, cnetel tu'n; ex aju nno'c tk'ajtza'n, cjaketel ttzi ja twitz.
9¿Ex alcye jun xjal cyxole, ka ma tzaj tkanin tc'wa'l jun twa pan, maj cxel tk'o'n jun abj? 10Ex ka ma tzaj tkanin c'wa'l jun tchi' cyiẍ, ¿maj cxel tk'o'n jun lobaj? 11Masque mya ba'n keye, pero in xi cyk'o'ne oyaj ba'n cye cyc'wa'le, ¿yajtzun te Cymane aju at tuj cya'j, mlaypelo tzaj tk'o'n aju ba'n cye keju in che kanin te?
12Cyja'tzun tcyakilju cyajbile tu'n cybinchante xjal cyeye, ax icxtzun cybinchame cye; porque atzunju in tma'n tley Moisés ex in cyma'n ke t-sanjel Dios.
Aju ttzi pwert ch'in
Lucas 13.24
13Cyocxe ttzi pwert ch'in; porque aju ttzi pwert ma' ex ju be ma' tuj, atzunju in pon tuj najen, ex nimcu xjal in che'x tuj. 14Atzunju ttzi ja ch'in ex ju be ch'in tuj, atzunju in pon tuj chwinklal, ex nic'xi junjun xjal in cnet ttzi ja ch'in cyu'n, ex ju be ch'in tuj.
Nne'l knic' ti'j tze' nok tu'n twitz
Lucas 6.43-44
15Ten cycwente cyi'je tu'n mi'n cycub sbu'ne cyu'n pacbal nic'al yol che ul cyuc'ile, ex c'oquel cyk'on cyib ic tza'n ẍne'l ke, atzun tuj cyanmi ic cyten ic tza'n ke xo'j in che tzekt tu'n t-xi cychyo'n ke ẍne'l. 16Ti'j cybinchben c'elel cynic'e cyi'j. ¿Baka ti'j ch'i'x nne'l ki'n klo' uva, ex baka ti'j ch'i'x c'ul nne'l ki'n klo' higo? 17Cyja'tzun tcyakil tze' ba'n, in tk'o'n twitz ba'n; atzunju tze' mya ba'n, in tk'o'n twitz mya ba'n. 18Aju tze' ba'n mlay tzaj tk'o'n twitz mya ba'n; ex aju tze' mya ba'n mlay tzaj tk'o'n twitz ba'n. 19Tcyakil tze' ka mya ba'n twitz in tk'o'n, cjawil tx'emit ex c'oquex k'ot tuj k'ak'. 20Cyja'tzun c'elel cynic'e cyi'j ke xjal pacbal nic'al yol, tu'nju cybinchben.
Mya cycyakil che oquex tuj cawbil in tzaj tuj cya'j
Lucas 13.25-27
21Akeju in cyma'n weye: Tat, Tat, mya cycyakil che oquex tuj cawbil in tzaj tuj cya'j; nok o'cx c'oquex aju in tbincha'n tajbil Nmane aju at tuj cya'j. 22Nimcu xjal tuj tk'ijlalil tzul oc cyma' weye: Tat, Tat, ¿minti'petzun koclene tzaj tk'o'na tu'n kpacbane, ex tu'n tipumala e je'tz ke ju'ẍ tuj cyanmi xjal ku'ne, ex tu'n tipumala o kbinchaye nimcu binchben nim cyipumal?, che chi. 23Atzun weye cxel nma'ne cye: Minti' ojtzki'n cywitze wu'ne; cypa'mil cyibe wi'je akeye binchal mya ba'n.
In yolin Jesús ti'j cabe simyent
Marcos 1.22; Lucas 6.47-49
24Cyja'tzun, alcye jun xjal ma txi tbi'n ke nyole lu ex ma che japun tu'n, ic tten ic tza'n jun xjal at tnabl jaw tbincha'n tja tibaj pc'at. 25Tzajtzun jbal ex jaw ch'iy a', ex tzaj nim cyk'ik' ex pon tilj ti'j ja; pero minti' cub tz'ak, porque tcub t-simyentil ja tibaj pc'at. 26Ex alcye jun xjal in tbi'n ke nyole lu ex minti' in che japun tu'n, ic tten ic tza'n jun xjal minti' tnabl jaw tbincha'n tja tibaj ttxa tz'a'n. 27Tzajtzun jbal ex jaw ch'iy a', ex tzaj nim cyk'ik' ex pon tilj ti'j ja; ex cub tz'ak ja ex bi'x cub xitj tcyakil, chi Jesús.
28Tejtzun tbaj tma'n Jesús ke yol lu, cycyakiltzun xjal e labin ti'j t-xnak'tzbil; 29porque aju xnak'tzbil xi tk'o'n cye at tipumal, mya ic tza'n cye xnak'tzal ti'j ley.
Currently Selected:
Matey 7: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993