Sal 98
98
Ri Dios kan xch'akon yan
1Kan tibixaj k'ak'a' taq bix chire ri Jehová,
roma rija' rubanon nima'q taq banobel.
Rija' kan xch'akon k'a roma ri ruchuq'a' ri loq'olej ruq'a'.
2Kan xuq'alajirisaj k'a ri ch'akonik ri xuben.
Xuk'ut k'a ri ruq'atoj-tzij chikiwech ri winaqi' ri man nikitzeqelibej ta rija'.
3Xuben k'a ri rubin chike ri e rijatzul kan ri Israel.
Roma ri rajowabal ri man k'isel ta, man yerumalij ta kan.
Konojel k'a winaqi' ri ek'o k'a pa taq ruk'isibel chire ri ruwach'ulew xkitz'et ri rukolotajik.
4Konojel k'a ri winaqi' richin ri ruwach'ulew, kan rik'in k'a kikoten kebixan chire ri Jehová.
Rik'in ronojel kuchuq'a' kech'on y tikipaq'apa' ri kiq'a' y tikibixaj bix.
5Tibixaj bix chire ri Jehová rik'in arpa.
Tiq'ojomaj k'a jalajoj ruwech q'ojom.
6Tiya' ruq'ij ri Jehová rik'in trompeta, y rik'in xupubel ri e banon rik'in uk'a'.
Kan keri' tibana' chuwech ri Jehová ri rey.
7Kan kewajin k'a ri palou y ronojel ri ek'o chupan.
Ri ruwach'ulew y konojel ri ek'o chuwech kan kenimaq'ijun k'a.
8Xtik'oje' k'a janila kikoten,
achi'el ri raqen taq ya' kan yewajin,
y ri nima'q taq juyu' kan nikik'ut k'a chi yekikot.
9Ronojel re' xtik'uluwachitej,
roma ri Jehová kan xpe richin noruq'ata-tzij pa ruwi' ri ruwach'ulew.
Xtuq'et k'a tzij rik'in ruchojmilal.
Xtuq'et tzij pa kiwi' ri tinamit, y xtuya' chike ri ruk'amon.
Currently Selected:
Sal 98: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
