Sal 97
97
Ri Jehová jari' ri rey
1Ri Jehová niq'aton-tzij;
kan kekikot k'a konojel winaqi' richin chijun ruwach'ulew.
Konojel k'a winaqi' ri ek'o pa taq ruwach'ulew ri rusutin-kij chi ya', kan tikinimaq'ijuj k'a.
2Ri sutz' y ri q'equ'm kan kisutin k'a rij rija'.
Ri q'atoj-tzij y ri ruchojmilal kan jari' ri ruxe' ri rajawaren.
3Ri chuwech rija' kan ninabeyej k'a jun q'aq'.
Ri q'aq' ri' kan yeruk'is k'a ri e etzelanel richin ri ek'o chunaqaj.
4Ri koyopa' kan nusaqirisaj k'a ri ruwach'ulew.
Y ri winaqi' kan nikitz'et k'a y nikik'en rukiy.
5Ri nima'q taq juyu' kan yek'is-qa chuwech ri Jehová,
achi'el nuben ri cera toq niya'er-qa.
Kan yek'is-qa chuwech ri rajaw chijun ri ruwach'ulew.
6Ri kaj kan nikiq'alajirisaj k'a ri ruchojmilal ri nuben rija'.
Y konojel k'a tinamit nikitz'et ri ruk'ojlemal.
7Chi'iwonojel rix ri ye'isamajij ri wachibel e toch'on, kan kixk'ixbitej k'a;
keri' chuqa' rix ri yixkikot kik'in ri wachibel.
Rix dios kichin ri ch'aqa' chik ruwach'ulew, kixxuke' richin niya' ruq'ij ri Jehová.
8Nimalej Jehová, ri winaqi' aj-Sión kan yekikot k'a.
Y konojel ri winaqi' richin Judá kan yekikot k'a rik'in ri ruchojmilal ri naya' rat,
9roma rat Jehová kan at nim pa ruwi' chijun ruwach'ulew.
Kan xaxe k'a rat ri ninimirisex aq'ij chikiwech ri ch'aqa' chik dios.
10Ri ye'ajowan richin ri Jehová, kan tiketzelaj k'a ri itzel taq banobel,
roma rija' kan yeruchajij ri e ralk'ual rija'.
Kan yerukol pa kiq'a' ri e itzel taq winaqi'.
11Ri saqil kan yerusaqirisaj k'a ri choj kik'aslen.
Y nuya' kikoten chike ri kan choj kánima.
12Kan kekikot k'a rik'in ri Jehová ri choj kik'aslen,
y kan tikiya' ruq'ij ri Jehová roma ri nima'q taq samaj ri e rubanalon.
Currently Selected:
Sal 97: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
